गतविजेत्या कोलकाता नाईट रायडर्सने (KKR) आयपीएल 2025 मध्ये विजयाचे खाते उघडले आहे. बुधवारी केकेआरने राजस्थान रॉयल्स (RR) विरुद्ध 8 विकेट्सने विजय मिळवला. पहिल्या सामन्यात केकेआरला आरसीबीकडून पराभव पत्करावा लागला होता पण पुढच्याच सामन्यात संघ विजयी ट्रॅकवर परतला. गुवाहाटीतील बरसापारा क्रिकेट स्टेडियमवर राजस्थानने 152 धावांचे लक्ष्य ठेवले होते, जे केकेआरने 17.3 षटकांत दोन गडी गमावून सहज पूर्ण केले. केकेआरचा यष्टिरक्षक-फलंदाज क्विंटन डी कॉकने स्फोटक फलंदाजी केली. त्याने 61 चेंडूत 8 चौकार आणि 6 षटकारांसह नाबाद 97 धावा केल्या.
लक्ष्याचा पाठलाग करताना डी कॉकने वेगवान गतीने धावा केल्या. त्याने मोईन अलीसोबत पहिल्या विकेटसाठी 41 धावांची भागीदारी केली. मात्र, 12 चेंडूत 5 धावा काढल्यानंतर सातव्या षटकात मोईन धावबाद झाला. तर 11व्या षटकात कर्णधार अजिंक्य रहाणे वानिंदू हसरंगाच्या जाळ्यात अडकला. रहाणेने 15 चेंडूत 18 धावा जोडल्या.
When QDK hits them, they stay hit! ????
— IndianPremierLeague (@IPL) March 26, 2025
An emphatic way to bring up his fifty in style ????
Updates ▶ https://t.co/lGpYvw87IR#TATAIPL | #RRvKKR | @KKRiders pic.twitter.com/IscKaiMsNA
यानंतर डी कॉकने रघुवंशीसोबत पदभार स्वीकारला. दोघांनीही तिसऱ्या विकेटसाठी 83 धावांची अभेद्ध भागीदारी केली. केकेआरला शेवटच्या तीन षटकांत 17 धावांची आवश्यकता होती. अशा परिस्थितीत, जोफ्रा आर्चरने टाकलेल्या 18व्या षटकातील पहिल्या तीन चेंडूंवर डी कॉकने एक चौकार आणि दोन षटकार मारून केकेआरला विजय मिळवू दिला.
Q for Quality, Q for Quinton ????????
— IndianPremierLeague (@IPL) March 26, 2025
A sensational unbeaten 9⃣7⃣ runs to seal the deal ✅
Scorecard ▶ https://t.co/lGpYvw87IR#TATAIPL | #RRvKKR | @KKRiders pic.twitter.com/kbjY1vbjNL
