भारतीय संघ तसेच चेन्नई सुपर किंग्सचा सलामीवीर ऋतुराज गायकवाड हा काही दिवसातच बोहल्यावर चढणार आहे. चेन्नईने आयपीएल 2023 चे विजेतेपद पटकावल्यानंतर ऋतुराज आपल्या कारकिर्दीतील आणखी एक नवी इनिंग सुरू करेल. काही दिवसांपूर्वी ऋतुराजच्या लग्नाच्या बातम्या समोर आल्यानंतर उत्कर्षा नावाची मुलगी त्याची होणारी वधू असल्याचे म्हटले जात होते. तसेच आयपीएल जिंकल्यानंतर ती ऋतुराजसोबत दिसून आली. आता ही उत्कर्षा नक्की कोण आहे याबाबत खुलासा झाला आहे.
माध्यमांतील वृत्तांनुसार चेन्नई सुपर किंग्सचा (CSK) सलामीवीर ऋतुराज गायकवाड (Ruturaj Gaikwad) जून 3-4 रोजी लग्नबंधनात अडकणार आहे. या कारणास्तव त्याने जागतिक कसोटी चॅम्पियनशिपच्या स्टॅन्ड बाय खेळाडूंमधून देखील आपले नाव मागे घेतलेले. त्याचवेळी उत्कर्षा नावाची मुलगी ऋतुराजची होणारी पत्नी असल्याचे सांगितले गेले. चेन्नईने आयपीएल विजेतेपद जिंकल्यानंतर ऋतुराज व उत्कर्षा यांचे धोनीसह एकत्रित छायाचित्र समोर आलेले.
त्यानंतर आतापर्यंत मिस्ट्री गर्ल असलेल्या या उत्कर्षाबाबत माहिती समोर आली. उत्कर्षा पवार ही देखील ऋतुराजप्रमाणे क्रिकेटपटू असून, ती महाराष्ट्र महिला संघाचे प्रतिनिधित्व करते. 24 वर्षीय उत्कर्षा ही मूळची पुण्याची असून, वयाच्या अकराव्या वर्षापासून ती क्रिकेट खेळते. 2017-2018 मध्ये ती महाराष्ट्राच्या अंडर 19 संघाचा भाग होती. तसेच पश्चिम विभाग व महाराष्ट्र संघाचे देखील प्रतिनिधित्व केले आहे. उत्कर्षा अष्टपैलू खेळाडू असून आक्रमक फलंदाजी व मध्यमगती गोलंदाजी करते.
ऋतुराज व उत्कर्षा यांची भेट एका मित्राच्या माध्यमातून झाली होती. त्यानंतर या दोघांमध्ये मैत्री वाढवून, प्रेम निर्माण झाले. त्यानंतर त्यांनी आता लग्न करण्याचा निर्णय घेतला आहे. हे लग्न पुण्यातच पार पडणार असल्याचे सांगितले जातेय.
(Ruturaj Gaikwad Finance Utkarsha Pawar Also Known Cricketer Play For Maharashtra Cricket Team)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
WTC फायनलपूर्वीच टीम इंडियाला घाबरला स्टीव्ह स्मिथ! म्हणाला, ‘जे भारतात झालं, तेच…’
आयपीएल फायनलनंतर कशी सरली मोहित शर्माची रात्र? जे काही म्हणाला, त्याने तुम्हीही व्हाल भावूक
