टीम इंडियासाठी ‘विलन’ ठरतोय रिषभ! यष्टिरक्षणातील चुकांची मोजावी लागतेय संघाला किंमत

दक्षिण अफ्रिका विरुद्ध भारत एकदिवसीय मालिकेतील (sa vs ind odi series) पहिले दोन सामने भारताने गमावले आहेत. पहिल्या दोन सामन्यात भारतीय फलंदाज आणि गोलंदाजांनी सुमार प्रदर्शन केले. त्याचसोबत यष्टीरक्षक फलंदाज रिषभ पंत (rishabh pant) यानेही निराशाजनक प्रदर्शन केले. पंतने पहिल्या दोन सामन्यांमध्ये एक महत्वाचा झेल आणि एक स्टंपिंग अशा दोन महत्वाच्या संधी हातातून सोडल्या होत्या. परिणामी, भारताला पराभव पत्करावा लागला होता. आता तिसऱ्या एकदिवसीय सामन्यात देखील पंतने अशीच एक मोठी चूक केली आहे.

रविवारी (२३ जानेवारी) केपटाऊनमध्ये खेळल्या गेलेल्या तिसऱ्या एकदिवसीय सामन्यात पंतने दक्षिण अफ्रिकी फलंदाज रासी वॅन डर ड्यूसेन (rassie van der dussen) याचा सोपा झेल सोडला. जयंत यादवच्या गोलंदाजीवर ड्यूसेनच्या बॅटचा स्पर्श झाला होता, पण पंतने हा सोपा झेल सोडला. चेंडू बॅटवर लागण्यापूर्वीच पंत लेग स्टंपच्या दिशेने गेला होता आणि याच कारणास्तव चेंडू त्याच्या ग्लोव्हजमध्ये बसला नाही.

त्याने हा झेल सोडल्यानंतर चाहते निराश झाले आणि माजी फलंदाज गौतम गंभीरने देखील त्याच्यावर टीका केली. त्याच्या या चुकीमुळे भारतीय संघाला त्याचे मोठे नुकसान झाले. ड्यूसेनने या जीवनदानानंतर क्विंटन डी कॉकसोबत १४४ धावांची महत्वपूर्ण भागीदारी केली. त्याने मालिकेतील पहिल्या दोन एकदिवसीय सामन्यांमध्ये देखील अशाच प्रकारच्या चुका केल्या होत्या, ज्यामुळे भारतीय संघाला त्याचा फटका बसला होता.

पंतचे खराब यष्टीरक्षण