जगातील दिग्गज फलंदाजांमध्ये भारताचा माजी कर्णधार सचिन तेंडुलकर याचीही गणना होते. सचिन असा फलंदाज होता, जो क्रिकेटविश्वातील भल्याभल्या गोलंदाजांविरुद्ध चौकार-षटकार मारण्याची क्षमता बाळगायचा. तो क्रिकेटमधून जरी निवृत्त झाला असला, तरीही चाहत्यांसोबत कसे जोडून राहायचे, हे त्याला चांगलेच ठाऊक आहे. तो नेहमी सोशल मीडियामार्फत चाहत्यांसोबत संवाद साधत असतो. अशात रविवारी (दि. 26 मार्च) त्याने एक खास पोस्ट शेअर केली. यामध्ये सचिन तेंडुलकर आईसोबत बसल्याचे दिसत आहे. हा व्हिडिओ नेटकऱ्यांच्या पसंतीस पडला आहे.
सचिन तेंडुलकरने आईसोबतचा व्हिडिओ शेअर केला
सचिन तेंडुलकर (Sachin Tendulkar) याने निवृत्ती घेतल्यानंतरही त्याची लोकप्रियता कमी झाली नाहीये. उलट त्याच्या चाहत्यांमध्ये वाढ होत आहे. याचा प्रत्यय सचिनच्या फॉलोव्हर्सवरून येतो. त्याला ट्विटरवर 38.5 मिलियन म्हणजेच जवळपास 3 कोटींहून अधिक लोक फॉलो करतात. अशात ट्विटरवर सचिन तेंडुलकरने आईसोबतचा व्हिडिओ (Sachin Tendulkar Shared Video With Mother) शेअर केला आहे. हा व्हिडिओ शेअर करत त्याने खास कॅप्शनही दिले आहे.
तब्बल 15 वेळा लिहिले ‘व्हेरी’
सचिन हा 49 वर्षीय असून त्याने व्हिडिओ शेअर करत आंबा खाण्याबाबत सांगितले आहे. त्याने लिहिले आहे की, “हंगामातील पहिला आंबा खात आहे.” यासोबतच त्याने कॅप्शनमध्ये 15 वेळा ‘व्हेरी’ असे लिहिले आहे. सचिन या ट्वीटमार्फत त्याच्या आईविषयीचे महत्त्व सांगण्याचा प्रयत्न करत आहेत. तसेच, त्याने आईला खूपच खास व्यक्तीही म्हटले आहे.
Having this season’s first mango 🥭 with a very very very very very very very very very very very very very very very special person in my life! pic.twitter.com/5xDgDeXKg5
— Sachin Tendulkar (@sachin_rt) March 26, 2023
नेटकऱ्यांकडून प्रेमाचा वर्षाव
या पोस्टवर नेटकऱ्यांनी प्रेमाचा वर्षाव केला आहे. 33 मिनिटांच्या या व्हिडिओला 3 तासात 2 लाखांहून अधिक व्ह्यूज मिळाले आहेत. एवढेच नाही, तर 1400 पेक्षा जास्त लोकांनी हा व्हिडिओ रिट्विट केला आहे. एकाने कमेंट करत लिहिले की, “दीर्घायुषी व्हा सचिन जी. तुम्हाला आशीर्वाद आहे.” दुसऱ्या एकाने असे लिहिले की, “मास्टरसोबत हापूस.”
सचिनविषयी बोलायचं झालं, तर त्याने 2013मध्ये आंतरराष्ट्रीय क्रिकेटमधून निवृत्ती घेतली होती. त्याचा शेवटचा कसोटी सामना पाहण्यासाठी त्याची आईदेखील स्टेडिअममध्ये उपस्थित होती. (sachin tendulkar emotional post on mother see video 1st mango of season)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
WPL Final : टॉसचा निकाल दिल्लीच्या पारड्यात, ट्रॉफीसाठी दोन्ही संघाच्या रणरागिणी देणार कडवी झुंज
दोन खेळाडूंनी चपळाई दाखवत पकडला अविश्वसनीय झेल, पाहून तुम्हीही तोंडात घालाल बोटे, व्हिडिओ व्हायरल
