सध्या आयपीएलचा 18वा हंगाम सुरू आहे. पण आयपीएलच्या इतिहासातील सर्वात महागडा खेळाडू रिषभ पंतचा (Rishabh Pant) फ्लॉप शो सुरूच आहे. सोमवारी (19 मे) सनरायझर्स हैदराबादविरुद्धच्या सामन्यात पंतची बॅट शांत राहिली आणि तो दुहेरी आकडाही गाठू शकला नाही. पंतच्या विकेटनंतर, लखनऊ सुपर जायंट्सचे (LSG) मालक संजीव गोयंका यांची प्रतिक्रिया सोशल मीडियावर व्हायरल होत आहे.
सनरायझर्स हैदराबादविरुद्धच्या सामन्यात पंतने फक्त 7 धावांची खेळी खेळली. लखनऊ सुपर जायंट्सकडून तिसऱ्या क्रमांकावर फलंदाजीसाठी आलेल्या पंतनेही शानदार चौकार मारला, परंतु इशान मलिंगाच्या चेंडूवर तो बाद झाला. पंतला लेग साईडवरील स्टंप लाईनमध्ये आलेला फुलर बॉल खेळायचा होता, परंतु मंद गतीमुळे त्याला फटका बसला आणि बॅट त्याच्या हातात वळली आणि बॅट आदळल्यानंतर चेंडू थेट गोलंदाजाकडे गेला. गोलंदाज इशान मलिंगाने डावीकडे डायव्ह करून कॅच पूर्ण केला.
पंत बाद झाल्यानंतर लखनऊ सुपर जायंट्सचे (LSG) मालक संजीव गोयंका खूप निराश दिसत होते. पंतच्या विकेटनंतर ते बाल्कनीतून बाहेर जाताना दिसले. संजीव गोयंका यांची प्रतिक्रिया सोशल मीडियावर व्हायरल होत आहे.
LSG owner Sanjiv Goenka left the balcony after Rishabh Pant’s dismissal????
— CricTracker (@Cricketracker) May 19, 2025
????: JioHotstar pic.twitter.com/W8JT3DqNSA
Gave it all to dismiss LSG skipper Rishabh Pant. ????pic.twitter.com/dNQhrlAFNa
— Cricket.com (@weRcricket) May 19, 2025
आयपीएल 2025 मध्ये पंतने पूर्णपणे निराशा केली आहे. 27 कोटींना खरेदी करण्यात आलेल्या पंतला या हंगामात 27 च्या सरासरीनेही धावा करता आल्या नाहीत. पंतने 12 सामन्यांमध्ये 135 धावा केल्या आहेत आणि त्याची सरासरीही फक्त 13 आहे. या हंगामात पंतने केवळ एक अर्धशतक झळकावले आहे.
