पाकिस्तान क्रिकेट संघाचा अनुभवी फलंदाज शोएब मलिक याने मॅच फिक्सिंगचे आरोप पूर्णपणे फेटाळून लावले आहेत. त्यानी सोशल मीडियावर एक पोस्ट करून संपूर्ण प्रकरणाचा खुलासा केला आहे आणि लोकांना अशा गोष्टींवर विश्वास ठेवू नये असे सांगितले आहे.
नुकतेच पाकिस्तानी अभिनेत्री सना जावेदसोबत तिसरे लग्न करणाऱ्या शोएब मलिक याच्यावर बांगलादेश प्रीमियर लीगदरम्यान मॅच फिक्सिंगचा आरोप आहे. मीडिया रिपोर्ट्सनुसार, त्याची बीपीएल टीम फॉर्च्युन बारीशालने त्याच्यासोबतचा करार रद्द केला असून तो यापुढे या लीगमध्ये कोणताही सामना खेळताना दिसणार नाही. 41 वर्षीय मलिक टूर्नामेंट अर्धवट सोडून दुबईला परतला आहे.
22 जानेवारीला खुलना टायगर्सविरुद्ध खेळल्या गेलेल्या सामन्यात मलिकने सलग तीन नो बॉल टाकले होते. यानंतर चाहत्यांनी सोशल मीडियावर त्याच्याविरोधात नाराजी व्यक्त केली होती.आता ट्विटरवर फ्रँचायझीचा व्हिडिओ शेअर करताना मलिकने टूर्नामेंट मध्येच सोडून दुबईला जाण्याचे खरे कारण सांगितले आहे. या पोस्टमध्ये तो म्हणाला, “मी फॉर्च्यून बारिशालसह माझ्या खेळण्याच्या स्थितीबद्दल अलीकडील अफवांचे निराकरण करू इच्छितो. आमचा कर्णधार तमीम इक्बालशी माझी सखोल चर्चा झाली आणि आम्ही परस्पर संमतीने पुढे योजना आखली. दुबईत मीडिया कार्यक्रमासाठी मला बांगलादेश सोडावे लागले. मी फॉर्च्यून बारीशालला स्पर्धेतील आगामी सामन्यांसाठी शुभेच्छा देतो आणि गरज पडल्यास मी त्यांना पाठिंबा देण्यासाठी उपलब्ध आहे. मी नेहमीच सामने खेळण्याचा आनंद घेतो आणि यापुढेही करत राहीन.”
Official statement ;
I would like to address and dismiss the recent rumors circulating about my playing position with Fortune Barishal. I had a thorough discussion with our captain, Tamim Iqbal, and we mutually planned the way forward. I had to leave Bangladesh for a… pic.twitter.com/kmPqPt1nxv— Shoaib Malik ???????? (@realshoaibmalik) January 26, 2024
पुढे तो म्हणाला, “अफवांच्या बाबतीत विशेषत: अलीकडे चालत असलेल्या अफवांच्या बाबतीत मी सावधगिरी बाळगण्याच्या महत्त्वावर जोर देऊ इच्छितो. मी हे स्पष्ट करू इच्छितो की मी या निराधार अफवांना ठामपणे नकार देतो. कोणत्याही माहितीवर विश्वास ठेवण्याआधी आणि ती पसरवण्याआधी त्याची पडताळणी करणे प्रत्येकासाठी महत्त्वाचे आहे. यामुळे प्रतिष्ठा खराब होऊ शकते आणि अनावश्यक गोंधळ निर्माण होऊ शकतो. अचूकतेला प्राधान्य देऊ आणि वस्तुस्थिती स्पष्टपणे समजून घेण्यासाठी विश्वसनीय स्त्रोतांवर अवलंबून राहू या. तुमच्या समजुतीबद्दल आणि मेहनतीबद्दल धन्यवाद. नेहमीप्रमाणे तुमच्या प्रेम आणि समर्थनाबद्दल धन्यवाद.” (Shoaib Malik breaks silence on match-fixing allegations says main reason for leaving team to Dubai)
हेही वाचा
हजारो कोटींच्या मालकाने मुलांना प्रेरीत करण्यासाठी दिले विराट कोहलीचे उदाहरण, पाहा व्हायरल व्हिडिओ
IND vs ENG: इंग्लंडविरुद्धही शुबमन गिलचा ‘फ्लॉप शो’, टीम इंडिया आणखी किती संधी देणार?
