क्रिकेटविश्वातून धक्कादायक बातमी समोर येत आहे. बिहारच्या बक्सर येथे क्रिकेट खेळताना झालेल्या वादातून एका तरुणाची हत्या करण्यात आली आहे. या घटनेने सर्वत्र खळबळ माजली आहे. ही घटना बक्सरच्या अरियांव गावातील आहे. याच गावात तरुणाला गोळी मारून त्याची हत्या केली गेली.
अरियांव (Ariaon) गावातील रहिवासी असलेल्या चंदन या तरुणाची काही लोकांनी गोळी मारून हत्या केली. यामुळे संपूर्ण गावात खळबळ माजली आहे. माध्यमांतील वृत्तांनुसार, ही घटना मंगळवारी (दि. 18 एप्रिल) सकाळी जवळपास 8.30 वाजता घडली. झाले असे की, चंदन त्याच्या मित्रांसोबत अरियांव गावातील महाविद्यालयाजवळ क्रिकेट खेळण्यासाठी गेला होता.
दुचाकीवर आले होते हल्लेखोर
त्याचदरम्यान दुचाकीवर आलेल्या दोन तरुणांनी चंदनला छातीवर गोळी मारली. घटनेची माहिती तातडीने मित्रांनी त्याच्या नातेवाईकांना दिली. तसेच, जखमी झालेल्या चंदनला सरकारी रुग्णालयात नेण्यात आले. मात्र, दुर्दैवाची बाब अशी की, डॉक्टरांनी त्या युवकाला मृत घोषित केले. चंदन कुमार सिंग याचे पार्थिव पोलिसांनी शवविच्छेदनासाठी पाठवले आहे.
आरोपींना पकडण्यासाठी पोलीसांचा शोध सुरू
या घटनेबाबत बक्सर (Buxar) येथील एसपी म्हणाले की, मृत युवक आणि आरोपींमध्ये यापूर्वी वाद होते. अशात चंदनची त्याच गावातील लोकांनी हत्या केली. अधिकाऱ्याने असेही सांगितले की, आरोपींच्या अटकेसाठी पोलीस प्रयत्नशील आहेत. पोलिसांचा शोध सुरू आहे.
दुसरीकडे, ग्रामीण लोकांच्या माहितीनुसार, चंदन चांगले क्रिकेट खेळत होता. तसेच, मनमिळाऊदेखील होता. त्याला तीन भाऊ होते, त्याच्या हत्येच्या सूचनेनंतर गावात दु:खाचे वातावरण आहे. तसेच, संपूर्ण परिसरात शोककळा पसरली आहे. (shocking a young man shot dead after dispute over playing cricket in buxar bihar read here)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
बडे दिलवाला रिंकू! उचलणार होतकरू क्रिकेटपटूंचा खर्च, तब्बल 60 खेळाडूंना मिळणार लाभ
‘मला रोखणे सोपे नाही’, RCBविरुद्ध 25 चेंडूत वादळी फिफ्टी ठोकल्यानंतर शिवम दुबेचं वक्तव्य
