भारत आणि बांगलादेश यांच्यातील 2 कसोटी सामन्यांची मालिका (19 सप्टेंबर) पासून सुरू होत आहे. या आगामी मालिकेसाठी भारतीय संघाची घोषणा करण्यात आली असून यामध्ये अनेक युवा खेळाडूंना संधी देण्यात आली आहे. तत्पूर्वी पण भारतीय संघाचा युवा खेळाडू शुबमन गिल (Shubman Gill) त्याच्या फॉर्मबद्दल चिंतेत आहे, त्याने नुकताच खुलासा केला होता की तो त्याच्या कसोटी फॉर्मवर नाराज आहे.
गिलने तिन्ही फॉरमॅटमध्ये सलामीवीर म्हणून भारतीय संघात ठसा उमटवला होता. पण त्यानंतर 21 वर्षीय विस्फोटक फलंदाज यशस्वी जयस्वालचा भारतीय संघात प्रवेश केला. गिलने कोणतीही अडचण न दर्शवता 3ऱ्या क्रमांकावर फलंदाजी करण्यास सहमती दर्शवली. यशस्वी जयस्वालने (Yashasvi Jaiswal) पदार्पणापासूनच गर्जना केली आणि आता त्याने कसोटीत आपले स्थान निश्चित केले.
गिल म्हणाला, “शेवटी, जेव्हा तुम्ही वेगळ्या क्रमांकावर खेळता तेव्हा प्रत्येकाला तुमची क्षमता माहित असते, परंतु तरीही तुम्हाला स्वतःला सिद्ध करायचे असते. वेस्ट इंडिज आणि दक्षिण आफ्रिकेविरुद्धच्या सुरुवातीच्या सामन्यांमध्ये मी तिसऱ्या क्रमांकावर खेळलो तेव्हा मला चांगली कामगिरी करता आली नाही. मी 20 आणि 30 धावा करत चांगली सुरुवात करत होतो पण मी त्यांना मोठ्या खेळीत रूपांतर करू शकलो नाही. जेव्हा मी परतलो तेव्हा मला माहित होते की मला पुनरागमन करायचे आहे. या प्रात्यक्षिकांचा विचार केला. पुढे जाऊन माझे अर्धशतक मोठ्या शतकांमध्ये रूपांतरित करण्याचे माझे ध्येय आहे.”
बांगलादेशविरूद्धच्या पहिल्या कसोटी सामन्यासाठी भारतीय संघ- रोहित शर्मा (कर्णधार), यशस्वी जयस्वाल, शुबमन गिल, विराट कोहली, केएल राहुल, सरफराज खान, रिषभ पंत (यष्टीरक्षक), ध्रुव जुरेल (यष्टीरक्षक), रविचंद्रन अश्विन, रवींद्र जडेजा, अक्षर पटेल , कुलदीप यादव, मोहम्मद सिराज, आकाश दीप, जसप्रीत बुमराह आणि यश दयाल
महत्त्वाच्या बातम्या-
IPL: कोहलीचा ‘मास्टर प्लॅन’ अन् धोनी बाद? स्टार खेळाडूने सांगितला किस्सा!
टी20 मधून निवृत्त होणार हा दिग्गज? प्रशिक्षकाचे मोठे वक्तव्य
IPL 2025: केएल राहुलची होणार सुट्टी? लखनऊला मिळणार नवा कर्णधार?
