‘नवनवीन पद्धतींनी पराभूत होतोय संघ’, तिसऱ्या वनडेपूर्वी विंडीज कर्णधाराची महत्वपूर्ण प्रतिक्रिया

वेस्ट इंडीज दौऱ्यावर असलेला भारतीय संघ सध्या जबरदस्त फॉर्ममध्ये दिसत आहे. मायदेशात खेळत असताना वेस्ट इंडीजला एकदिवसीय मालिकेतील पहिले दोन्ही सामने गमावण्याची वेळ आली आहे. वेस्ट इंडीजने या मालिकेत चांगले प्रदर्शन केले, पण अंतिम षटकांमध्ये भारतीय संघाने बाजी मारल्याचे दिसले आहे. याच पार्श्वभूमीवर वेस्ट इंडीजचा कर्णधार निकोलस पूरनने खास प्रतिक्रिया दिली आहे.

तसे पाहिले तर, वेस्ट इंडीजकडे एकदिवसीय मालिकेतील पहिल्या दोन्ही सामन्यांमध्ये विजय मिळवण्यासाठी चांगली संधी होती. परंतु पहिल्या सामन्यात त्यांचा संघ लक्ष्यापासून अवघ्या ३ धावांनी लांब राहिला आणि सामन्यात पराभव स्वीकारावा लागला. उभय संघातील दुसऱ्या सामन्याचा विचार केला, तर भारतीय संघाने यावेळीही शेवटच्या षटकात विजय मिळवला. अष्टपैलू अक्षर पटेलने षटकार मारून संघाला विजय मिळवून दिला होता. वेस्ट इंडीज संघासाठी हा एकदिवसीय क्रिकेटमधील सगल आठवा पराभव असल्यामुळे संघासाठी हा पराभव खूपच वेदना देणारा होता. त्यांच्यासाठी या सामन्याचे महत्व कर्धणार निकोलस पूरन (Nicholas Pooran) याच्या प्रतिक्रियेत दिसून येते.