वाढदिवस विशेष: चायनामन गोलंदाज कुलदीप यादवबद्दल या खास गोष्टी माहित आहेत का?

भारताचा चायनामन गोलंदाज कुलदीप यादव आज (14 डिसेंबर) त्याचा 24वा वाढदिवस साजरा करत आहे. मार्च 2017ला ऑस्ट्रेलिया विरुद्धच्या कसोटी सामन्यात त्याने भारतीय संघामध्ये पदार्पण केले. या सामन्यात त्याने 68 धावांत 4 विकेट्स घेतल्या होत्या.

आतापर्यत कुलदिपने 5 कसोटी सामन्यात 19 विकेट्स घेतल्या आहेत. मर्यादीत षटकामध्ये त्याची गोलंदाजी उत्तम असून त्याने 33 वन-डे सामन्यात 67 विकेट्स आणि 17 टी20 सामन्यात 33 विकेट्स घेतल्या आहेत.

भारताच्या या चायनामन गोलंदाजाबद्दल काही खास गोष्टी:

-कुलदीप यादवचा जन्म 14 डिसेंबर, 1994ला उन्नाव, उत्तर प्रदेशमध्ये झाला.

-2014च्या 19 वर्षाखालील आयसीसी विश्वचषकात त्याचा भारतीय संघात समावेश होता. यामध्ये त्याने स्कॉटलंड विरुद्ध हॅट्ट्रीकही घेतली आहे.

-2014च्या 19 वर्षाखालील आयसीसी विश्वचषकात 14 विकेट्स घेत तो सर्वाधिक विकेट्स घेण्याऱ्यामध्ये दुसऱ्या क्रमांकावर होता.

-2012च्या 19 वर्षाखालील भारतीय संघात प्रवेश करण्याची त्याची संधी थोडक्यात मुकली. हा विश्वचषक भारताने उन्मुक्त चंदच्या नेतृत्वाखाली जिंकला होता.

-29 प्रथम श्रेणीचे सामने खेळताना कुलदिपने 24.88च्या सरासरीने 846 धावा केल्या असून यामध्ये त्याच्या एक शतक आणि सहा अर्धशतकांचा समावेशही आहे. त्याने 3.66च्या इकॉनॉमी रेटने 112 विकेट्स घेतल्या आहेत.

– 2014च्या 19 वर्षाखालील आयसीसी विश्वचषकातील त्याची कामगिरी बघता भारतीय वरिष्ठ संघात त्याची विंडीज विरुद्धच्या सामन्यासाठी निवड झाली होती. मात्र विंडीजच्या खेळाडूंनी त्यांच्या बोर्डशी असलेल्या वादामुळे तो दौरा रद्द केला.

-2012च्या आयपीएलमध्ये कुलदिप मुंबई इंडियन्सच्या संघात होता. पण तो एकही सामना खेळला नाही. यावेळी तो सचिन तेंडुलकरला नेटमध्ये चेंडू टाकत असे.

-कोलकाता नाईट रायडर्सने कुलदिपला 2014च्या हंगामात संघामध्ये घेतले. पण त्याला चॅम्पियन्स लीगपर्यत वाट पाहावी लागली. यावेळी त्याने 5 सामन्यात 6 विकेट्स घेत संघाला अंतिम फेरीपर्यत पोहचण्यास मदत केली होती.

-कुलदिपने कानपूर येथे क्रिकेट अकॅडमीमध्ये प्रवेश केला तेव्हा त्याने वेगवान गोलंदाज म्हणून सुरूवात केली होती. नंतर प्रशिक्षक कपिल पांडेनी त्याला फिरकी गोलंदाजी करण्यास सांगितले.

-2017च्या कसोटी सामन्यात विराट कोहलीला खांद्याच्या दुखापतीमुळे बाहेर जावे लागले. त्याच्या जागी कुलदिपला संधी देण्यात आली होती. याचा फायदा घेत त्याने पहिल्याच सामन्यात 68 धावा देत 4 विकेट्स घेतल्या होत्या. यावेळी डेव्हीड वॉर्नर हा त्याचा पहिला शिकार ठरला.

महत्त्वाच्या बातम्या:

–१९९० नंतर टीम इंडियाच्या बाबतीत केवळ चौथ्यांदाच घडले असे काही…

–विराट कोहलीचे टेन्शन वाढले, चांगली कामगिरी केली नाही तर…

–आयपीएल २०१९चा लिलाव कधी आणि कोणत्या चॅनेलवर पहाल?