वादग्रस्त क्रिकेटपटू श्रीसंतने सचिनची आदरयुक्त प्रशंसा केली आहे. सध्या बिग बाॅस सिझन 12 मध्ये श्रीसंतने सहभाग घेतला आहे. सोमवारी (15 आॅक्टोबर) सचिन विषयी आपल्या भावना व्यक्त करताना श्रीसंतला चक्क रडू कोसळले.
“2011 साली विश्वचषक स्पर्धा जिंकल्यानंतर 1 ते 2 वर्षांनी एका मुलाखतीमध्ये सचिनने सगळ्या खेळाडूंचे नाव घेत त्यांनी चांगली कामगिरी केली असे म्हटले होते. सचिनने त्यात माझ्या नावाचा उल्लेखही केला नव्हता. मुलाखत जेव्हा शेवटच्या टप्प्यात आली तेव्हा सचिनने श्रीसंतनेही चांगली कामगिरी केल्याचा उल्लेख केला होता. त्यावेळी मला खुप रडू आले होते.” असे श्रीसंतने त्याचा बिग बाॅसमधील सहकारी अनुप जलोटाला सांगितले आहे.
