आयपीएल 2025चा दुसरा सामना सनरायझर्स हैदराबाद आणि राजस्थान रॉयल्स यांच्यात हैदराबादमध्ये खेळला जात आहे. चाहत्यांना हैदराबादकडून ज्या प्रकारची कामगिरी अपेक्षित होती, त्याप्रमाणे संघाने आतापर्यंत कामगिरी केली आहे. राजस्थानविरुद्ध नाणेफेक गमावल्यानंतर प्रथम फलंदाजी करणाऱ्या हैदराबादने पॉवरप्लेमध्ये 1 विकेट गमावून 94 धावा केल्या. आयपीएलमधील हा त्याचा तिसरा सर्वोच्च पॉवरप्ले स्कोअर आहे. संघाला या धावसंख्येपर्यंत पोहोचवण्यात ट्रॅव्हिस हेडने महत्त्वाची भूमिका बजावली. त्याने षटकारांचा पाऊसही पाडला. जोफ्रा आर्चरच्या चेंडूवर 105 मीटर लांबीचा षटकार मारला. त्याचा षटकार पाहून गोलंदाजही आश्चर्यचकित झाला.
डावाच्या पाचव्या षटकात हेडने आर्चरला हा षटकार मारला. इंग्लिश गोलंदाजाने षटकाच्या दुसऱ्या चेंडूवर शॉर्ट बॉल टाकण्याची चूक केली ज्याचा फायदा हेडने घेतला आणि मिड-विकेटच्या दिशेने एक लांब षटकार मारला. या षटकारानंतर आर्चरची प्रतिक्रियाही पाहण्यासारखी होती.
पाहा व्हिडिओ-
Hurricane Head graces #TATAIPL 2025 ????
— IndianPremierLeague (@IPL) March 23, 2025
Travis Head smashing it to all parts of the park in Hyderabad ????????
Updates ▶️ https://t.co/ltVZAvInEG#SRHvRR | @SunRisers pic.twitter.com/cxr6iNdR3S
सनरायझर्स हैदराबादने 16 षटकांत 3 गडी गमावून 219 धावा केल्या आहेत. संघाचा हंगामातील पहिल्याच सामन्यात 300 चा टप्पा ओलांडण्याचा संघाचा प्रयत्न असेल. हेडने 31 चेंडूत 9 चौकार आणि 3 षटकारांसह 67 धावा केल्या, तर अभिषेक शर्माने 11 चेंडूत 24 धावा केल्या.
