श्रीलंका क्रिकेटमध्ये मोठा निर्णय घेण्यात आला असून वनडे आणि टी-20 संघाच्या नियमित कर्णधारपदी कुसल मेंडिसची नियुक्ती करण्यात आली आहे. नव्या अंतरिम प्रशासनाखाली नियुक्त करण्यात आलेल्या निवड समितीने 25 मे रोजी वेस्ट इंडिज दौऱ्यासाठी श्रीलंकेचा संघ जाहीर केला. या दौऱ्यात श्रीलंका संघ दोन कसोटी, तीन वनडे आणि तीन टी-20 सामने खेळणार आहे.
कसोटी संघाचे नेतृत्व धनंजय डिसिल्वा यांच्याकडेच कायम ठेवण्यात आले आहे. तर डावखुरा मधल्या फळीतील फलंदाज कामिंदू मेंडिसला कसोटी, वनडे आणि टी-20 या तिन्ही संघांचा उपकर्णधार बनवण्यात आले आहे. कुसल मेंडिस याने याआधी 17 वनडे सामन्यांत श्रीलंकेचे नेतृत्व केले असून आता त्याच्याकडे मर्यादित षटकांच्या दोन्ही संघांची पूर्ण जबाबदारी सोपवण्यात आली आहे. त्याने चरिथ असलंका आणि दासुन शनाका यांची जागा घेतली आहे.
या दौऱ्यासाठी कसोटी संघात दोन नवख्या खेळाडूंना संधी देण्यात आली आहे. फलंदाज पासिंदू सूरियाबंदरा आणि वेगवान गोलंदाज इसिथा विजेसुंदरा हे अद्याप आंतरराष्ट्रीय क्रिकेट न खेळलेले खेळाडू आहेत. मर्यादित षटकांच्या संघात उंच बांध्याचा फलंदाज लसिथ क्रूसपुलेलाही स्थान मिळाले आहे. न्यूझीलंड ‘ए’ संघाविरुद्धच्या शानदार शतकानंतर त्याची निवड करण्यात आली.
मागील टी-20 विश्वचषकात श्रीलंकेचे नेतृत्व करणारा दासुन शनाका याला फक्त टी-20 संघात संधी मिळाली आहे. तर माजी कर्णधार चरिथ असलंका केवळ वनडे संघात दिसणार आहे. आयपीएलमध्ये आरसीबीकडून खेळण्यासाठी एनओसी नाकारल्याने श्रीलंका क्रिकेट प्रशासनाविरोधात न्यायालयात गेलेला वेगवान गोलंदाज नुवान तुषारालाही टी-20 संघात स्थान देण्यात आले आहे.
श्रीलंका संघ आज म्हणजेच 26 मे रोजी वेस्ट इंडिज दौऱ्यासाठी रवाना होणार आहे.
श्रीलंका कसोटी संघ
पथुम निसांका, लाहिरू उदारा, निशान मदुशंका, दिनेश चांदीमल, पासिंदू सूरियाबंदरा, कामिंदू मेंडिस (उपकर्णधार), सोनल दिनुषा, कुसल मेंडिस, धनंजय डिसिल्वा (कर्णधार), मिलन रत्नायके, प्रभात जयसूर्या, रमेश मेंडिस, असिथा फर्नांडो, विश्वा फर्नांडो, लाहिरू कुमारा, इसिथा विजेसुंदरा, कसुन राजिथा.
श्रीलंका वनडे संघ
पथुम निसांका, कामिल मिशारा, पवन रत्नायके, कुसल मेंडिस (कर्णधार), जनिथ लियानागे, चरिथ असलंका, कामिंदू मेंडिस (उपकर्णधार), मिलन रत्नायके, वानिंदू हसरंगा, दुनिथ वेल्लालागे, महेश थीक्षाना, दुष्मंथा चमीरा, दिलशान मदुशंका, ईशान मलिंगा, असिथा फर्नांडो, प्रमोद मदुशंका.
श्रीलंका टी-20 संघ
पथुम निसांका, कामिल मिशारा, लसिथ क्रूसपुले, पवन रत्नायके, कुसल मेंडिस (कर्णधार), कामिंदू मेंडिस (उपकर्णधार), दासुन शनाका, मिलन रत्नायके, दुनिथ वेल्लालागे, वानिंदू हसरंगा, महेश थीक्षाना, दुष्मंथा चमीरा, दिलशान मदुशंका, ईशान मलिंगा, बिनुरा फर्नांडो, नुवान तुषारा.
