मुंबई । संयुक्त अरब अमिराती अर्थात युएई आयपीएलचे आयोजन करण्यास सज्ज झाली आहे. येथील तीन मैदानांवर सामने होणार आहेत. दुबईमध्ये 24, अबूधाबीमध्ये 20 आणि शारजाहमध्ये 12 सामने होणार आहेत. मंगळवारी दुबई आणि अबूधाबी स्टेडियम लाइट्सने सजवले होते. मुंबई-चेन्नई सुपर किंग्ज दरम्यान सलामीचा सामना अबूधाबीच्या शेख झायेद स्टेडियमवर होईल.
हे मैदान 2004 मध्ये 100 कोटी रुपये खर्चून बांधले गेले. येथे पहिला आंतरराष्ट्रीय सामना 2006 मध्ये भारत आणि पाकिस्तान यांच्यात खेळला गेला होता. शेख झायेद स्टेडियमवर 13 कसोटी, 46 वनडे आणि 45 टी -20 सामने खेळले गेले आहेत. भारताने येथे कोणताही टी -20 सामना खेळलेला नाही.
आयपीएल 2020 मधे सट्टा आणि फिक्सिंग थांबविण्यासाठी बीसीसीआय फ्रॉड डिटेक्शन सर्विसचा (एफडीएस) वापर करेल. यासाठी मंडळाने यूके कंपनी स्पोर्ट रडारशी करार केला आहे. अँटी करप्शन युनिट (एसीयू) आधीपासूनच युएईमध्ये आहे.
फिफा आणि यूएफासारख्या मोठ्या फुटबॉल संस्थांमध्ये स्पोर्ट रडार कार्य करते. अलीकडे याच कंपनीने गोवा फुटबॉल लीगच्या सुमारे 6 सामन्यांमध्ये फिक्सिंगबद्दल बोलले होते. एफडीएसच्या मदतीने कंपनी सामन्यातील फिक्सिंगचा पर्दाफाश करते.
पहिल्या सामन्यात चेन्नईचा ऋतुराज
कोरोनाची लागण झालेला चेन्नईचा फलंदाज ऋतुराज गायकवाडला स्पर्धेच्या पहिल्या सामन्यातून बाहेर ठेवले जाणार आहे. पॉझिटिव्ह आल्यानंतर त्याने दोन आठवडे क्वारंटाईनमध्ये घालवले आहेत. पण अजून दोन निगेटिव्ह अहवाल येणे बाकी आहे. मुख्य कार्यकारी अधिकारी कासी विश्वनाथ म्हणाले, ‘ऋतुराजबाबत मंडळाच्या निर्णयाची आम्ही वाट पाहत आहोत. त्यांना फिटनेस टेस्टमधूनही जावं लागेल. ‘
