जगभरात सर्वात जास्त पाहिली जाणारी क्रिकेट लीग म्हणजेच आयपीएल. इंडियन प्रीमियर लीग म्हणजेच आयपीएलचा १५वा हंगाम नुकताच पार पडला. या हंगामात मुंबई इंडियन्सचे प्रदर्शन खूपच निराशाजनक राहिले. मुंबई इंडियन्स गुणतालिकेत सर्वात शेवटच्या स्थानावर राहिला. अशातच आता त्यांचा दिग्गज अष्टपैलू कायरन पोलार्डने एक भावूक पोस्ट शेअर केली आहे.
वेस्ट इंडिजचा दिग्गज क्रिकेटपटू कायरन पोलार्ड (Kieron Pollard) मुंबई इंडिसन्ससाठी अनेक हंगामांमध्ये महत्वपूर्ण प्रदर्शन करत आला आहे, पण यावर्षी मात्र त्याची जादू चालली नाही. आशात पालोर्डने स्वतःच्या अधिकृत इंस्टाग्राम खात्यावरून एख खास पोस्ट शेअर केली आहे. पोस्टमध्ये त्याने लिहिले की, “जेव्हा मी मागे वळून पाहतो, तेव्हा एका संघाच्या रूपात आमच्यासाठी आयपीएल २०२२ खूपच निराशाजनक राहिला आहे. यामुळे किती नुकसान झाले, त्याचा अंदाज लावता येणार नाही. आम्ही या हंगामातून खूप काही शिकलो आहोत. आम्हाला आमची मान ताठ ठेऊन पुढे जायचे आहे. पुढच्या हंगामात आमच्याकडे गोष्टी बदलण्याची संधी आहे. हार्दिक पंड्या आणि गुजरात टायटन्सला शुभेच्छा.”
https://www.instagram.com/p/CeQsiAFqHeQ/?utm_source=ig_web_copy_link
आयपीएल २०२२ दरम्यान, पोलार्ड खूपच खराब फॉर्ममध्ये दिसला. त्याच्या बॅटमधून आता धावा निघणे अवघड होऊन बसले आहे. त्याचा खराब फॉर्म मुंबई इंडियन्सला चांगलाच महागात पडला. संघाने अनेक सामने जवळच्या अंतराने गमावले. पोलार्डने यावर्षी खेळलेल्या ११ आयपीएल सामन्यांमध्ये अवघ्या १४४ धावा केल्या आणि ४ विकेट्स घेतल्या. काही सामन्यांमध्ये त्याला प्लेइंग इलेव्हनमधून बाहेर बसवले गेले होते.
तसे पाहिले, तर मुंबई इंडियन्सने आयपीएलमध्ये यापूर्वी सर्वोत्तम प्रदर्शन केले आहे. त्यांचा संघ सर्वाधिक ५ वेळा विजेतेपद जिंकला आहे. त्यांच्या संघात असे अनेक खेळाडू आहेत, जे निर्णायक क्षणी विजय मिळवून देण्याची धमक ठेवतात. मात्र, या सर्व गोष्टी यावर्षी घडताना दिसल्या नाहीत. यावर्षीच्या १४ सामन्यांपैकी संघाने फक्त ४ सामने जिंकले आणि राहिलेल्या १० सामन्यांमध्ये त्यांना पराभव स्वीकारावा लागला आणि प्लेऑफमध्ये देखील स्थान बनवता आले नाही.
महास्पोर्ट्सचा व्हॉट्सअप ग्रूप जॉइन करण्यासाठी येथे क्लिक करा
महत्वाच्या बातम्या-
गुजरातला विनर बनवल्यानंतर दिग्गजाने धोनीशी केली पंड्याची तुलना, म्हणाले, ‘तोही असेच करायचा’
द्विपक्षीय टी२० मालिका बंद करा, म्हणजे एका वर्षात २ वेळा आयपीएल होईल; पाहा कोणी केलंय विधान
काय सांगता! रँडी ऑर्टन मोडणार जॉन सीनाचा ‘तो’ जबरदस्त विक्रम, ऑलिम्पिक विजेत्या कर्ट अँगलचा विश्वास