नुकताच फीफा विश्वचषक 2022 स्पर्धा पार पडली. या स्पर्धेत अंतिम सामन्यात अर्जेंटिना विरुद्ध फ्रान्स आमने-सामने होते. या अटीतटीच्या सामन्यात अर्जेंटिनाने शूटआऊटमध्ये फ्रान्सवर 4-2ने मात करत रोमहर्षक विजय मिळवला. या विजयात मोलाचा वाटा उचलत लियोनल मेस्सी याने संघाला तिसऱ्यांदा फीफा विश्वचषकाचे विजेतेपद पटकावण्यास मदत केली. यानंतर त्याच्यावर जगभरातून कौतुकाचा वर्षाव झाला. तसेच, आधीपासून प्रसिद्ध असलेल्या मेस्सीची प्रसिद्धी आणखी वाढली. विशेष म्हणजे, मेस्सीकडून भारतीय क्रिकेट नियामक मंडळाचे सचिव जय शाह यांना खास भेटही मिळाली, ज्याची सर्वत्र चर्चा सुरू आहे.
मेस्सीकडून जय शाहांना जर्सी भेट
फीफा विश्वचषक 2022 (Fifa World Cup 2022) स्पर्धेत अर्जेंटिना संघाने विजय मिळवल्यानंतर लियोनल मेस्सी (Lionel Messi) याचा आनंद गगनात मावेनासा झाला होता. खास बाब अशी की, मेस्सीने बीसीसीआयचे सचिव जय शाह (Jay Shah) यांच्यासाठी त्याच्या 10 नंबरच्या जर्सीवर ऑटोग्राफ दिला. या जर्सीच्या मागील बाजूस मेस्सीने ऑटोग्राफ दिला. त्यावर मेस्सीने जय शाहांसाठी लिहिले होते की, “पॅरा जय शाह.” म्हणजेच जय शाह यांच्यासाठी.
प्रज्ञान ओझाने शेअर केला फोटो
विशेष म्हणजे, भारताचा माजी फिरकीपटू प्रज्ञान ओझा याने त्याच्या अधिकृत इंस्टाग्राम अकाऊंटवर हा फोटो शेअर केला. या फोटोला कॅप्शन देत त्याने लिहिले की, “जय भाई यांच्यासाठी गोटने (सार्वकालिन सर्वोत्तम) त्याच्या शुभेच्छा आणि स्वाक्षरी केलेली जर्सी पाठवली आहे. किती नम्र व्यक्ती आहे. आशा आहे की, लवकरच माझ्यासाठीही अशीच एक जर्सी मिळेल.”
https://www.instagram.com/p/CmgqoKPPmk_/?utm_source=ig_embed&ig_rid=8acd6e0e-8c2e-45b2-bf20-434a7d7cd209
प्रज्ञान ओझाच्या या पोस्टवर एका चाहत्याने कमेंटही केली आहे, जी लक्ष वेधत आहे. त्याने लिहिले आहे की, “याला म्हणतात कॉन्टॅक्ट्स.” दुसऱ्या एकाने लिहिले की, “प्रज्ञान सर मलाही मेस्सीची एक जर्सी हवीये.”
मेस्सीचा वाढता चाहतावर्ग
मेस्सीने अंतिम सामन्यात फ्रान्सविरुद्ध दोन गोल मारले होते. यानंतर सामना निकालासाठी शूटआऊटमध्ये गेला असता, तिथे अर्जेंटिनाच्या चार खेळाडूंनी गोल केला. दुसरीकडे, फ्रान्सच्या फक्त 2 खेळाडूंनाच गोल करता आला. त्यामुळे हा सामना अर्जेंटिनाने 4-2ने आपल्या नावावर केला. खास बाब अशी की, या विजयानंतर मेस्सीच्या चाहत्यावर्गात कमालीची वाढ झाली. विशेष म्हणजे, मेस्सीने सोशल मीडियावर 400 मिलियन म्हणजेच 40 कोटी फॉलोव्हर्सचा टप्पा पार केला आहे. (star footballer lionel messi sends signed argentina jersey for jay shah photo viral)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
आयपीएल 2023च्या लिलावात मनीष पांडेवर लखनऊने केली पैशांची उधळण, बेस प्राईजपेक्षा दुप्पट रक्कम खिशात
अवघ्या 40 लाखांच्या शिवम मावीला गुजरातने बनवले ‘एवढ्या’ कोटींचा मालक, तरीही गडी तोट्यातच
