दिग्गज इंग्लिश क्रिकेटपटू बनला बाप, लग्नाआधीच चाहत्यांना दिली आनंदाची बातमी

इंग्लंडचा दिग्गज वेगवान गोलंदाज स्टुअर्ट ब्रॉड वडील बनला आहे. त्याची प्रेयसी आणि होणारी पत्नी मॉली किंग हिने मुलीला जन्म दिला आहे. ब्रॉडने त्याच्या अधिकत सोशल मीडिया खात्यावरून त्यांच्या नवजात बाळाचे फोटो शेअर केले. शुक्रवारी (25 नोव्हेंबर) ब्रॉडची ही इंस्टाग्राम पोस्ट चांगलीच व्हायरल झाली. 

स्टुअर्ट ब्रॉड (Stuart broad) याने अधिकृत सोशल मीडिया खात्यावरून सोशल मीडिया खात्यावरून नवजात बाळाचे दोन फोटो शेअर केले आहेत. एका फोटोत त्याची होणारी पत्नी मॉली किंग (Mollie King) हिने बाळाला कुशीत घेतले आहे. तर दुसऱ्या फोटोत स्वतः ब्रॉडने काळजीपूर्वक बाळाला पकडल्याचे दिसत आहे. या जोडीने हे फोटो एका नदीकिनारी काढल्याचे दिसते. त्यांनी या पोस्टच्या माध्यमातून बाळाचे नाव देखील सर्वजनिक केले. पोस्टच्या कॅप्शनमध्ये ब्रॉडने लिहिले की, “या जगात तुझे स्वागत आहे ऍनाबेला ब्रॉड.” या गोंडस बाळाला जन्म दिल्यानंतर ब्रॉड आणि मॉली किंगवर शुभेच्छांचा वर्षाव होत आहे.

दरम्यान, 23 जून रोजी सोशल मीडियावर चाहत्यांसाठी ही आनंदाची बातमी शेअर केली होती की, तो लवकरच वडील बनणार आहे. त्याने प्रेयसीन मॉली किंगसोबतचा एक फोटो शेअर केला होता, ज्यामध्ये ती गरोधर असल्याचे दिसत होते. मॉली रेडिओ 1 मध्ये काम करत असून मागच्या मोठ्या काळापासून ते दोघे एकमेकांना डेट करत आले आहेत. मागच्या वर्षीच्या सुरुवाता या दोघांना साखरपुडा देखील केला होता. दोघांनी मागच्या वर्षीच लग्न करण्याचा विचार पक्का केला होता, असे सांगितले जाते. परंतु काही कारणास्तव हे लग्न वेळेत होऊ शकले नाही.

https://www.instagram.com/p/ClWrc11I4Yg/?utm_source=ig_web_copy_link

माध्यमांतील माहितीनुसार स्टुअर्ट ब्रॉड 2012 पासून मॉली किंग हिला डेट करत आला आहे. ब्रॉड सध्या इंग्लंडसाठी कसोटी क्रिकेट जास्त प्रमाणात खेळताना दिसतो. मर्यादित षटकांच्या सामन्यांमध्ये त्याला अपेक्षित संधी मिळत नाहीत, असे सध्या पाहायला मिलत आहे. त्याच्या कारकिर्दीचा एकंदरीत विचार केला, तर त्याने 159 कसोटी सामन्यांमध्ये एकूण 566 विकेट्स घेतल्या आहेत. एकदिवसीय क्रिकेटमध्ये त्याला 121 सामने खेळण्याची संधी मिळाली, ज्यामध्ये 178 खेळाडूंना त्याने तंबूचा रस्ता दाखवला. क्रिकेटचा सर्वात छोडा फॉरमॅट म्हणजेच टी-20 क्रिकेटमध्ये त्याने 56 सामने खेळले, ज्यामध्ये त्याने 65 विकेट्स घेतल्या आहेत. येत्या डिसेंबर महिन्याच्या पहिल्या आठवड्यात इंग्लंड आणि पाकिस्तान यांच्यातील तीन सामन्यांची कसोटी मालिका सुरू होणार आहे. या मालिकेत ब्रॉड इंग्लंड संघाचे प्रतिनिधित्व करताना दिसेल. (Stuart Broad and Mollie King gave birth to a baby before they got married.)

महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या-
वनडेत धवन-गिल जोडी सुपरहिट! आकडेवारी पाहून तुम्हालाही येईल चक्कर
दुर्दैवी! मैदानावर क्रिकेट खेळताना दुखापती झाल्याने निधन झालेले 3 खेळाडू