इंडियन प्रीमिअर लीग 2023चा महारणसंग्राम सुरू होण्यासाठी फक्त काही दिवसांची प्रतीक्षा करावी लागणार आहे. 31 मार्चपासून आयपीएल 2023 स्पर्धेचा घाट घातला जाणार आहे. या स्पर्धेला सुरुवात होण्यापूर्वी खेळाडू आपापल्या संघाशी जोडले जात आहेत. अशातच मुंबई इंडियन्स संघाचा स्टार फलंदाज सूर्यकुमार यादव हादेखील ताफ्यात सामील झाला. मुंबई इंडियन्स संघाने सूर्याचा एक मजेशीर व्हिडिओ शेअर केला आहे. या व्हिडिओत सूर्यकुमार यादव हॉटेल रूमचा पासवर्ड विसरला असल्याचे दिसत आहे.
सूर्या विसरला रूमचा पासवर्ड, कशी मिळाली एन्ट्री?
मुंबई इंडियन्स (Mumbai Indians) संघाने शेअर केलेला सूर्यकुमार यादव (Suryakumar Yadav) याचा व्हिडिओ तुफान व्हायरल होत आहे. या व्हिडिओत सूर्या त्याच्या रूमकडे जातो आणि दरवाजा उघडण्याचा प्रयत्न करतो. मात्र, दरवाजा उघडला जात नाही. दरवाज्यातून आवाज येतो की, “ऍक्सेस डिनाईड, पासवर्ड चाहिए.” हे ऐकल्यानंतर सूर्या पासवर्डसाठी अनेक बॉलिवूड सिनेमांच्या डायलॉगचा वापर करतो. मात्र, तो सातत्याने अयशस्वी ठरतो. सूर्या सर्वप्रथम म्हणतो की, “क्या गुंडा बनेगा रे तू.” त्यानंतर तो वेगवेगळे डायलॉग बोलतो, पण त्याचा काही फायदा होत नाही आणि दरवाजा उगडत नाही.
https://www.instagram.com/reel/CqSdBdfDFhT/?utm_source=ig_web_copy_link
शेवटी सूर्यकुमार यादव सुपला शॉट (Suryakumar Yadav Supla Shot) बोलतो. असे बोलताच दरवाजा उघडतो. मुंबईने हा व्हिडिओ शेअर करत लिहिले की, “पासवर्ड खूपच ग्रेट, पण आठवला खूपच लेट.” या व्हिडिओत सूर्या कमालीचा अभिनय करताना दिसत आहे. हा व्हिडिओ वेगाने व्हायरल होत आहे.
या व्हिडिओला आतापर्यंत 67 लाखांहून अधिक व्ह्यूज मिळाले आहेत. तसेच, 12 लाखांहून अधिक लाईक्स मिळाले आहेत. याव्यतिरिक्त 8 हजारांहून अधिक लोकांनी कमेंट्सही केल्या आहेत. यामध्ये विराट कोहली आणि शिखर धवन यांसारख्या खेळाडूंचाही समावेश आहे. विराटने कमेंटमध्ये हसणाऱ्या इमोजीचा समावेश केला आहे. तसेच, धवननेही 3 हसणारे इमोजी कमेंट केले आहेत. याव्यतिरिक्त नेटकरी ‘एकच वादा सूर्या दादा’, अशा कमेंट्सही करत आहेत.
आयपीएल 2023 स्पर्धेचा पहिला सामना गतविजेता गुजरात टायटन्स विरुद्ध चेन्नई सुपर किंग्स संघात 31 मार्च रोजी अहमदाबाद येथे पार पडणार आहे. यानंतर मुंबई इंडियन्स संघ 2 एप्रिल रोजी रॉयल चॅलेंजर्स बेंगलोर संघाविरुद्ध त्यांचा पहिला सामना बंगळुरू येथे खेळेल. या सामन्यासाठी चाहते खूपच उत्सुक आहेत. (suryakumar yadav funny video before ipl 2023 he forgot password of his hotel room )
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
चेपॉकमध्ये धोनीची एन्ट्री होताच फॅन्सनी दणाणून सोडलं स्टेडिअम, गगनचुंबी षटकार पाहून तुम्हीही व्हाल फिदा
सलाम रे पठ्ठ्या! 5 वर्षीय बॉल-बॉयला वाचवण्यासाठी स्वत: जखमी झाला विंडीजचा कर्णधार, व्हिडिओ करेल भावूक
