आयसीसी (ICC) टी20 विश्वचषकाची पहिली फेरी 22 ऑक्टोबरपासून सुरू होणार आहे आणि भारतीय संघ आपला पहिला सामना 23 ऑक्टोबर रोजी पाकिस्तानविरुद्ध खेळणार आहे, परंतु या सामन्यापूर्वी टीम इंडियाचा सामना ऑस्ट्रेलिया आणि न्यूझीलंडशीही होणार आहे. आयसीसीने 10 ऑक्टोबरपासून सुरू होणाऱ्या टी-20 विश्वचषक 2022च्या सराव सामन्यांची घोषणा केली आहे. भारतीय संघ स्पर्धा सुरू होण्यापूर्वी दोन सराव सामने खेळणार आहे. भारतीय संघ 17 ऑक्टोबरला ऑस्ट्रेलियाशी, तर 19 ऑक्टोबरला न्यूझीलंडशी भिडणार आहे. हे दोन्ही सामने गाबा येथे होणार आहेत.
टी20 विश्वचषक 2022 सराव सामन्यांचे वेळापत्रक
10 ऑक्टोबर: वेस्ट इंडिज विरुद्ध यूएई, स्कॉटलंड विरुद्ध नेदरलँड, श्रीलंका विरुद्ध झिम्बाब्वे.
11 ऑक्टोबर: नामिबिया विरुद्ध आयर्लंड
12 ऑक्टोबर: वेस्ट इंडिज विरुद्ध नेदरलँड
13 ऑक्टोबर: झिम्बाब्वे विरुद्ध नामिबिया, श्रीलंका विरुद्ध आयर्लंड, स्कॉटलंड विरुद्ध यूएई
17 ऑक्टोबर: ऑस्ट्रेलिया विरुद्ध भारत, न्यूझीलंड विरुद्ध दक्षिण आफ्रिका, इंग्लंड विरुद्ध पाकिस्तान, अफगाणिस्तान विरुद्ध बांगलादेश
19 ऑक्टोबर: अफगाणिस्तान विरुद्ध पाकिस्तान, बांगलादेश विरुद्ध दक्षिण आफ्रिका, न्यूझीलंड विरुद्ध भारत
📅 Mark your calendars!
The schedule of the warm-up fixtures for the ICC Men's #T20WorldCup 2022 is now out 👇https://t.co/r4e0o8U71i
— T20 World Cup (@T20WorldCup) September 8, 2022
टीम इंडिया ऑस्ट्रेलिया-दक्षिण आफ्रिकेकडून होम सीरिजही खेळणार आहे
टीम इंडिया सध्या आशिया कपमध्ये खेळत आहे जिथे सुपर-4 चे दोन सामने हरली आणि अंतिम शर्यतीतून बाहेर पडली. मात्र, या संघाला अद्याप अफगाणिस्तानविरुद्धचा सामना खेळायचा आहे, जी औपचारिकता राहिली आहे. मात्र, यानंतर टीम इंडियाला घरच्या मैदानावर ऑस्ट्रेलिया आणि दक्षिण आफ्रिकेचा सामना करावा लागणार आहे. टी20 विश्वचषक सुरू होण्यापूर्वी टीम इंडियाला अजून 7 टी20 आंतरराष्ट्रीय सामने खेळायचे आहेत. ज्यामध्ये पहिली टक्कर अफगाणिस्तानशी आहे. यानंतर टीम इंडिया ऑस्ट्रेलियाविरुद्ध तीन सामन्यांची टी20 मालिका खेळणार आहे. ही मालिका 20 सप्टेंबरपासून सुरू होणार आहे. दक्षिण आफ्रिकेच्या संघाकडून तीन सामन्यांची टी-20 मालिकाही खेळवली जाणार आहे. 28 सप्टेंबरपासून सामने सुरू होतील.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्वाच्या बातम्या –
पीएसएलच्या ‘फ्लॉप शो’ नंतर पाकिस्तानचा आणखी एक ‘पीजे’, पीसीबीने केली मोठी घोषणा
आशिया चषकात ‘या’ तीन चुका भारताला पडल्या महागात; जर टाळल्या तर टी-20 विश्वचषक आपलाच!
ASIA CUP: शेवटच्या सामन्यात अफगाणिस्तानचे हे खेळाडू भारतासाठी काळ ठरणार!