रणजी ट्रॉफी सामन्यांचे वेळापत्रक: रणजी ट्रॉफीच्या पुढील फेरीचे सामने 23 जानेवारीपासून सुरू होणार आहेत. जर सूत्रांवर विश्वास ठेवला तर, भारतातील अनेक अव्वल क्रिकेटपटू देशांतर्गत क्रिकेटमध्ये परतणार आहेत. चॅम्पियन्स ट्रॉफी 2025 जवळ येत आहे. ज्यासाठी संघाची घोषणा 18 किंवा 19 जानेवारी रोजी केली जाणार आहे. या संघाच्या घोषणेनंतर, रणजी ट्रॉफी सामने खेळले जाणार आहेत आणि जरी त्याची इंग्लंडविरुद्धच्या एकदिवसीय मालिकेसाठी निवड झाली तरी, त्याला एक रणजी सामना खेळण्यासाठी वेळ मिळेल कारण भारत-इंग्लंड एकदिवसीय मालिका 6 फेब्रुवारीपासून सुरू होणार आहे. रणजी ट्रॉफीच्या पुढील फेरीत हे 3 खेळाडू पुनरागमन करणार आहेत.
1. रिषभ पंत
लाल चेंडूच्या क्रिकेटमध्ये रिषभ पंत भारतीय संघासाठी ट्रम्प कार्ड राहिला आहे. परंतु पांढऱ्या चेंडूच्या क्रिकेटमध्ये त्याची आकडेवारी खूपच खराब आहे. 33 एकदिवसीय सामने खेळूनही तो एक हजार धावांचा आकडा गाठू शकलेला नाही. हिंदुस्तान टाईम्सच्या वृत्तानुसार, डीडीसीएचे सचिव अशोक शर्मा यांनी पुष्टी केली आहे की पंत 23 जानेवारीपासून सुरू होणाऱ्या सौराष्ट्र विरुद्धच्या सामन्यात दिल्ली संघाकडून खेळेल. पांढऱ्या चेंडूच्या क्रिकेटमध्ये खराब कामगिरी करताना, पंत रणजी सामन्यात चांगली कामगिरी करून त्याच्या टीकाकारांची तोंडे बंद करू शकतो.
2. विराट कोहली
विराट कोहलीने 2012 मध्ये शेवटचा घरगुती सामना खेळला. एकीकडे, डीडीसीएचे सचिव अशोक शर्मा यांनी रिषभ पंत पुढील सामन्यात खेळेल याची पुष्टी केली आहे, परंतु विराट कोहलीबद्दल अद्याप काहीही स्पष्ट झालेले नाही. पण निवृत्तीच्या वाढत्या दबावात आणि आपला गमावलेला फॉर्म परत मिळवण्यासाठी, विराट कदाचित स्थानिक क्रिकेटचा मार्ग निवडू शकतो. जर विराट कोहली आणि रोहित शर्मा यांनी चॅम्पियन्स ट्रॉफीमध्ये चांगली कामगिरी केली नाही तर त्यांना संघातून वगळले जाऊ शकते. असे बीसीसीआयने स्पष्ट केले आहे.
३. यशस्वी जयस्वाल
यशस्वी जयस्वाल हा स्थानिक क्रिकेटमध्ये मुंबई संघाकडून खेळतो. मीडिया रिपोर्टनुसार, मुंबई क्रिकेट असोसिएशनच्या सूत्रांनी सांगितले की, जयस्वाल सराव सत्रांमध्ये खेळाडूंसोबत असतील आणि 23 जानेवारीपासून जम्मू आणि काश्मीरविरुद्धच्या सामन्यात खेळताना दिसतील. भारतासाठी टी20 आणि कसोटी संघात जयस्वालची कामगिरी आतापर्यंत चांगली राहिली आहे. दरम्यान आता चॅम्पियन्स ट्रॉफीसाठी त्याला एकदिवसीय संघात समाविष्ट करण्याची मागणी वाढत आहे.
4. शुबमन गिल
शुबमन गिलची कसोटीतील अलीकडील कामगिरी पाहता, त्याला टीम इंडियामधून वगळण्याची मागणी होत आहे. अशा परिस्थितीत, तो 23 जानेवारीपासून सुरू होणाऱ्या कर्नाटकविरुद्धच्या सामन्यात पंजाब संघाकडून खेळताना दिसू शकतो. इंग्लंडविरुद्धच्या टी20 मालिकेसाठी त्याची निवड झाली नसल्याने, त्याच्याकडे किमान एक रणजी ट्रॉफी सामना खेळण्यासाठी वेळ आहे.
हेही वाचा-
टी20 मालिकेत निवड झाली नाही म्हणून या संघाकडून खेळणार रिषभ पंत, चॅम्पियन्स ट्राॅफीपूर्वी मोठा निर्णय
भारताचा ‘हा’ स्टार खेळाडू रणजी ट्राॅफी खेळण्यासाठी सज्ज
भारतीय संघानंतर गौतम गंभीरच्या कोचिंगचाही आढावा घेणार बीसीसीआय
