महिला विश्वचषक 2025 मध्ये भारतीय क्रिकेटपटू प्रतिका रावलने आपल्या खेळाने लक्षवेधक कामगिरी केली. बांगलादेशविरुद्धच्या सामन्यात क्षेत्ररक्षण करताना झालेल्या दुखापतीमुळे ती उपांत्य फेरीत उतरू शकली नाही. या दुखापतीमुळे संघाला तिची जागा भरणे भाग पडले आणि उपांत्य फेरीत शेफाली वर्माला संघात स्थान मिळाले.
जेतेपद स्वीकारताना स्मृती मंधानाने प्रतिकाला व्हीलचेअरवर स्टेजवर आणले, ज्यानंतर तिचा आनंद आकाशाला भिडला. मात्र वर्ल्ड कप फायनल खेळता न आल्यामुळे मेडल न मिळाल्याचे दु:ख तिला होत होते. आयसीसीच्या नियमानुसार स्क्वॉडच्या बाहेरील खेळाडूंना विनिंग मेडल मिळत नाही. मात्र, आयसीसीचे अध्यक्ष जय शाह यांनी तिच्या हक्कासाठी प्रयत्न करून प्रतिकाला अखेर मेडल मिळवून दिले.
प्रतिका रावलने मीडियाशी बोलताना सांगितले, “जेव्हा माझ्याकडे मेडल आलं आणि ते मी पाहिलं, तेव्हा माझ्या डोळ्यात अश्रू आले. मी जास्त रडणारी नाही, पण ते पाहून भावुक झाले.” गुरूवारी ती राष्ट्रपती द्रौपदी मुर्मू यांना भेटायला गेली, तेव्हा तो वर्ल्ड कप मेडल तिच्या गळ्यात चमकत होता .
स्पर्धेत प्रतिकाने सहा डावांत 308 धावा केल्या, स्ट्राईक रेट कमी असला तरी संघाला सुरुवातीपासून बळकटी देण्यात तिने महत्त्वाची भूमिका बजावली. दुखापतीमुळे संघाला तिची जागा भरण्याशिवाय पर्याय नव्हता, त्यामुळे उपांत्य फेरीत शेफाली वर्माची निवड करण्यात आली. फायनलमध्ये शेफालीने दक्षिण आफ्रिकेविरुद्ध 78 चेंडूत 87 धावा ठोकल्या आणि दोन विकेट घेत प्लेयर ऑफ द मॅचचा सन्मान मिळवला.
अशा प्रकारे, प्रतिका रावलने दुखापतीनंतरही धैर्य आणि चिकाटी दाखवून अखेर वर्ल्ड कप मेडल मिळवले. या यशाने तिच्या परिश्रमांना योग्य तो सन्मान मिळवून दिला आहे आणि तिच्या खेळातील योगदान गमावलेले नाही, तर सगळ्यांनाच प्रेरणा मिळाली आहे.
