टी-20 वर्ल्ड कप 2026 च्या पहिल्याच दिवशी संध्याकाळी 7 वाजता भारत आणि अमेरिका (USA) यांच्यात सामना होणार आहे. मात्र, या सामन्यापूर्वी भारतीय संघाला मोठा धक्का बसला आहे. भारताचा मॅच विनर गोलंदाज हर्षित राणा (Harshit Rana) दुखापतीमुळे संपूर्ण स्पर्धेतून बाहेर पडला आहे. बीसीसीआयने (BCCI) त्याच्या जागी मोहम्मद सिराजच्या नावाची शिफारस केली होती, ज्याला आयसीसीने (ICC) मंजुरी दिली आहे. सिराजच्या समावेशामुळे भारतीय संघ आता अधिक अनुभवी आणि मजबूत दिसत आहे.
हर्षित राणाची जागा आता अनुभवी वेगवान गोलंदाज मोहम्मद सिराज घेणार आहे. सिराजने 2024 मध्ये आपला शेवटचा टी-20 सामना खेळला होता. नुकत्याच झालेल्या एकदिवसीय (ODI) सामन्यांमध्ये त्याने केलेल्या उत्कृष्ट कामगिरीमुळेच त्याला ही संधी मिळाली आहे. मात्र, सिराजला थेट ‘प्लेइंग इलेव्हन’मध्ये स्थान मिळणे थोडे कठीण आहे.
कर्णधार सूर्यकुमार यादव (Suryakumar Yadav) आणि मुख्य प्रशिक्षक गौतम गंभीर (Gautam Gambhir) अमेरिकेविरुद्धच्या सामन्यात अर्शदीप सिंग (Arshdeep singh) आणि जसप्रीत बुमराह (Jasprit Bumrah) यांनाच पसंती देतील. या दोघांच्या जबरदस्त कामगिरीमुळे भारत सतत सामने जिंकत आहे. अशा परिस्थितीत सिराजला राखीव खेळाडू म्हणून बेंचवर बसावे लागू शकते, तर तिसऱ्या वेगवान गोलंदाजाची भूमिका हार्दिक पांड्या पार पाडेल.
भारतीय संघाचा अपडेटेड टी-20 वर्ल्ड कप 2026 स्क्वॉड:
सूर्यकुमार यादव (कर्णधार), अभिषेक शर्मा, संजू सॅमसन (यष्टिरक्षक), इशान किशन (यष्टिरक्षक), तिलक वर्मा, हार्दिक पांड्या, शिवम दुबे, अक्षर पटेल (उपकर्णधार), रिंकू सिंग, जसप्रीत बुमराह, अर्शदीप सिंग, कुलदीप यादव, वरुण चक्रवर्ती, वॉशिंग्टन सुंदर आणि मोहम्मद सिराज.
