पुणे। आयकॉन ग्रुप, पीवायसी हिंदू जिमखाना व पुणे मेट्रोपोलिटन जिल्हा टेनिस संघटना(पीएमडीटीए) तर्फे आयोजित चौथ्या अरुण साने मेमोरियल हौशी टेनिस लीग स्पर्धेत उप-उपांत्यपूर्व फेरीत टेनिसनट्स, महाराष्ट्र मंडळ, डेक्कन गोल्डन बॉईज या संघांनी आपापल्या प्रतिस्पर्धी संघांचा पराभव करून उपांत्यपूर्व फेरीत प्रवेश केला.
पीवायसी हिंदू जिमखाना टेनिस कोर्टवर सुरु असलेल्या या स्पर्धेत फेरीत उप-उपांत्यपूर्व फेरीत अमित किंडो, दिपक पाटील, जॉय बॅनर्जी, आलोक नायर यांच्या विजयी कामगिरीच्या जोरावर टेनिसनट्स संघाने टीएफएल संघाचा 15-11 असा पराभव करून आगेकूच केली. दुसऱ्या सामन्यात महाराष्ट्र मंडळ संघाने फर्ग्युसन कॉलेज(एफसी)2 संघाचा 17-11 असा सहज पराभव केला. विजयी संघाकडून अमित शर्मा, हेमंत देवरे, अभिषेक चव्हाण, विक्रम श्रीश्रीमळ यांनी सुरेख कामगिरी केली. तिसऱ्या सामन्यात डेक्कन गोल्डन बॉईज संघाने पीसीएलटीएचा 17-13 असा पराभव करून उपांत्यपूर्व फेरीत धडक मारली. डेक्कन गोल्डन बॉईज संघाकडून आशिष पुंगलिया, चिराग रुणवाल, आदित्य खटोड, डॉ.केदार पाठक यांनी मोलाची कामगिरी बजावली.
स्पर्धेचा सविस्तर निकाल: उप-उपांत्यपूर्व फेरी:
टेनिसनट्स वि.वि.टीएफएल 15-11 (80 अधिक गट:अमित किंडो/दिपक पाटील वि.वि.मनोज कामतकर/अजय भजने 6-3; खुला गट: रवी कोठारी/नितीन सावंत पराभूत वि.अजिंक्य पाटणकर/कौस्तुभ देशमुख 3-6;खुला गट: जॉय बॅनर्जी/आलोक नायर वि.वि. विक्रांत गुणे/जितेंद्र सावंत 6-2);
महाराष्ट्र मंडळ वि.वि.एफसी 2 17-11(80 अधिक गट: अमित शर्मा/हेमंत देवरे वि.वि.शैलेश पटवर्धन/सिद्धेश परळकर 6-1; खुला गट: संजय सेठी/राजेंद्र देशमुख पराभूत वि.मनोज कुलकर्णी/पंकज यादव 5-6(3); खुला गट: अभिषेक चव्हाण/विक्रम श्रीश्रीमळ वि.वि.अमित नूलकर/शौनक कासट 6-4);
डेक्कन गोल्डन बॉईज वि.वि. पीसीएलटीए 17-13 (80 अधिक गट: अमलेश आठवले/डॉ. अमित पाटणकर पराभूत वि.गिरीश कुलकर्णी/कल्पेश मकणी 5-6(2); खुला गट: आशिष पुंगलिया/चिराग रुणवाल वि.वि.रवी जौकनी/राजेश मित्तल 6-3; खुला गट: आदित्य खटोड/डॉ.केदार पाठक वि.वि.अनंत गुप्ता/कुरियन टी. T 6-4).
महत्त्वाच्या बातम्या –
धक्कादायक! राफेल नदाल झाला कोरोनाबाधित; पुनरागमनाची प्रतिक्षा लांबली
लिएंडर पेस राजकारणाच्या कोर्टमध्ये! ‘या’ पक्षासाठी गोव्यातून लढवणार निवडणूक
