गुजरात टायटन्सने रॉयल चॅलेंजर्स बंगळुरूला त्यांच्या घरच्या मैदानावर हरवून आयपीएल 2025 मध्ये आपला दुसरा विजय नोंदवला. बेंगळुरूच्या एम चिन्नास्वामी स्टेडियमवर झालेल्या या सामन्यात गुजरातने 8 विकेट्सने विजय मिळवला. त्याच्यासाठी, वादळी गोलंदाज मोहम्मद सिराजने चमत्कार केले. त्याने 4 षटकांत 19 धावा देऊन 3 बळी घेत आरसीबी चाहत्यांना गप्प केले.
या सामन्यात, रॉयल चॅलेंजर्स बंगळुरूचा फलंदाज फिल साॅल्टने त्याच्या छोट्या डावात उत्कृष्ट पॉवर-हिटिंगचे प्रदर्शन केले. पाचव्या षटकात मोहम्मद सिराजच्या चेंडूवर सॉल्टने एक मोठा षटकार मारला. त्याचा फटका इतका जोरदार होता की चेंडू थेट स्टेडियमच्या बाहेर गेला. हा 105 मीटर लांब षटकार होता. त्याने हंगामातील सर्वात लांब षटकार मारण्याच्या विक्रमाची बरोबरी केली. सनरायझर्स हैदराबादकडून, ट्रॅव्हिस हेडने राजस्थान रॉयल्सविरुद्ध 105 मीटर लांब षटकार मारला.
सॉल्टचा हा फटका पाहून प्रेक्षक खूप आनंदित झाले, पण आरसीबीचा माजी वेगवान गोलंदाज सिराजने त्यांना लवकरच धक्का दिला. सिराजने जोरदार पुनरागमन केले. त्याने पुढच्याच चेंडूवर 144 किलोमीटर प्रति तास वेगाने यॉर्कर टाकला आणि सॉल्टला बोल्ड केले. दुसरी विकेट घेतल्यानंतर, सिराजने प्रसिद्ध फुटबॉलपटू क्रिस्टियानो रोनाल्डोसारखा आनंद साजरा केला.
A Phil Salt orbiter 🚀
— IndianPremierLeague (@IPL) April 2, 2025
followed by…
A Mohd. Siraj Special \|/ 🫡
It's all happening in Bengaluru 🔥
Updates ▶ https://t.co/teSEWkWPWL #TATAIPL | #RCBvGT | @mdsirajofficial pic.twitter.com/a8whsXHId3
कर्णधार शुबमन गिलने प्रथम गोलंदाजी करण्याचा निर्णय घेतल्यानंतर गुजरातच्या गोलंदाजांना सुरुवातीचे यश मिळाले. कागिसो रबाडाच्या जागी संघात आलेल्या अर्शद खानने विराट कोहलीला सात धावांवर लवकर बाद केले. यानंतर सिराजने देवदत्त पडिक्कलची विकेट घेतली. पॉवरप्लेमध्ये आरसीबीने तीन विकेट गमावल्या आणि त्यांचा स्कोअर 38/3 होता. सिराजने त्याच्या पहिल्याच स्पेलमध्ये 2 विकेट घेतल्या. दुसऱ्या स्पेलमध्ये त्याने एक विकेट घेतली. अशाप्रकारे, सिराजने सामन्यात पडिक्कल, साॅल्ट आणि लियाम लिव्हिंगस्टोनला बाद केले. त्याला सामनावीराचा पुरस्कार मिळाला.
