बुधवारी खेळल्या गेलेल्या आयपीएल सामन्यात गुजरात टायटन्सने रॉयल चॅलेंजर्स बंगळुरूला 13 चेंडू शिल्लक असताना 8 विकेट्सने पराभूत केले. रॉयल चॅलेंजर्स बंगळुरूला त्यांच्याच बालेकिल्ल्याच्या चिन्नास्वामी स्टेडियमवर पराभूत केल्यानंतर, गुजरात टायटन्सचा कर्णधार शुबमन गिलने सोशल मीडियावर एका पोस्टने खळबळ उडवून दिली आहे. शुबमन गिलच्या या पोस्टला चाहते विराट कोहलीवरील व्यंग म्हणून पाहत आहेत. चिन्नास्वामी स्टेडियमवर गुजरात टायटन्सने रॉयल चॅलेंजर्स बंगळुरूला हरवताच, शुबमन गिलने एक रहस्यमय पोस्ट शेअर केली.
शुबमन गिलने त्याच्या पोस्टमध्ये लिहिले आहे की, ‘गोंगाटावर नाही तर खेळावर लक्ष ठेवा.’ चाहत्यांनी शुबमन गिलच्या या पोस्टचा संबंध कोहलीशी जोडला आहे, कारण गिल आउट झाल्यावर विराटने आक्रमकपणे सेलिब्रेशन केले. एका चाहत्याने सोशल मीडियावर लिहिले की, ‘जेव्हा भुवीने शुभमन गिलला बाद केले तेव्हा विराट कोहली खूप आवाज करत होता.’ दुसऱ्या एका चाहत्याने लिहिले, ‘शुबमन गिल कोणत्या आवाजाबद्दल बोलत आहे हे आपल्या सर्वांना माहिती आहे.’
Eyes on the game, not the noise. pic.twitter.com/5jCZzFLn8t
— Shubman Gill (@ShubmanGill) April 2, 2025
गुजरात टायटन्सच्या डावाच्या पाचव्या षटकात, रॉयल चॅलेंजर्स बंगळुरू (RCB) चा वेगवान गोलंदाज भुवनेश्वर कुमारने शुबमन गिलला 14 धावांच्या वैयक्तिक धावसंख्येवर बाद केले. शुबमन गिल बाद झाल्यानंतर मैदानावर क्षेत्ररक्षण करणाऱ्या विराट कोहलीने आक्रमकपणे आनंद साजरा केला. मोहम्मद सिराज आणि साई किशोर यांच्या उत्कृष्ट गोलंदाजीनंतर, जोस बटलरच्या झंझावाती अर्धशतकामुळे गुजरात टायटन्सने रॉयल चॅलेंजर्स बंगळुरू (RCB) विरुद्ध आठ विकेटने सहज विजय मिळवला.
रॉयल चॅलेंजर्स बंगळुरूने दिलेल्या 170 धावांच्या लक्ष्याचा पाठलाग करताना, गुजरात टायटन्सने जोस बटलरच्या 39 चेंडूत 73 धावांच्या नाबाद खेळीच्या जोरावर 17.5 षटकांत 2 गडी गमावून 170 धावा करून विजय मिळवला. तत्पूर्वी, रॉयल चॅलेंजर्स बंगळुरूने प्रथम फलंदाजी करताना 20 षटकांत 8 गडी गमावून 169 धावा केल्या. रॉयल चॅलेंजर्स बंगळुरूची सुरुवात खराब झाली, विराट कोहली स्वतः 6 चेंडूत 7 धावा काढून बाद झाला, ज्याचे श्रेय अर्शद खानला जाते. गुजरात टायटन्सकडून मोहम्मद सिराजने शानदार कामगिरी केली आणि षटकांत 19 धावा देत 3 बळी घेतले.
