भारतीय क्रिकेटरसिंकाना सध्या भारताच्या इंग्लंड दौऱ्याचे वेध लागले आहे. येत्या जून महिन्यात भारतीय संघ इंग्लंग दौऱ्यावर जाणार आहे. येथे त्यांना १८ ते २२ जून या कालावधीत साउथम्पटन येथे न्यूझीलंडविरुद्ध जागतिक कसोटी अजिंक्यपद स्पर्धेचा अंतिम सामना खेळायचा आहे. हा सामना झाल्यानंतर ऑगस्ट-सप्टेंबरमध्ये इंग्लंडमध्येच इंग्लंडविरुद्ध ५ सामन्यांची कसोटी मालिका खेळायची आहे.
या दौऱ्यापुर्वी बऱ्याचशा क्रिकेट पंडितांनी वेगवेगळ्या गोष्टींबाबत आपली मते मांडली आहेत. आता इंग्लंड संघाचे माजी फिरकीपटू माँटी पानेसर यांनीही भारत-इंग्लंड कसोटी मालिकेत सर्वाधिक धावा करणाऱ्या फलंदाजाचे नाव सांगितले आहे.
हा फलंदाज पाडणार धावांचा पाऊस
इंडिया टुडेशी बोलताना पानेसर म्हणाले की, “भारत विरुद्ध इंग्लंड कसोटी मालिकेत भारताचा कर्णधार विराट कोहली सर्वाधिक धावा करेल.”
पानेसर यांनी कोहलीचे नाव घेण्यामागचे मुख्य कारण त्याची इंग्लंडच्या भूमीतील आकडेवारी असावी. कारण ३२ वर्षीय कोहलीने २०१४ ते २०१८ या कालावधीत इंग्लंडमध्ये एकूण १० कसोटी सामने खेळले आहेत. दरम्यान ३६.३५ च्या सरासरीने फलंदाजी करताना त्याने तब्बल ७२७ धावा चोपल्या आहेत. या कोणत्या सक्रिय भारतीय फलंदाजाने इंग्लंडमध्ये केलेल्या सर्वाधिक कसोटी धावा आहेत. त्याच्यानंतर भारतीय कसोटी संघाचा उपकर्णधार अजिंक्य रहाणे ५५६ धावांसह दुसऱ्या क्रमांकावर आहे. त्यानेही १० कसोटी सामन्यांमध्ये या धावा केल्या आहेत.
कसोटी मालिका विजयासंदर्भातही केली होती भविष्यवाणी
तत्पुर्वी पानेसर यांनी भारत विरुद्ध इंग्लंड कसोटी मालिकेच्या विजेत्या संघाविषयीही भविष्यवाणी केली होती. ऑगस्ट-सप्टेंबर महिन्यात इंग्लंडच्या खेळपट्ट्या भारतीय फिरकीपटूंना मदत करतील. दुसरीकडे पुन्हा एकदा यजमान इंग्लंडच्या फलंदाजांच्या उणीवा दिसून येतील, असे पानेसर यांचे म्हणणे होते. ते म्हणाले होते की, “ऑगस्टमध्ये जर खेळपट्टींवर चेंडूला वळण मिळाले तर भारताकडे ही कसोटी मालिका ५-० ने जिंकण्याची संधी असेल.”
कसोटी मालिका – इंग्लंड विरुद्ध भारत
४-८ ऑगस्ट – पहिला कसोटी सामना, नॉटिंगघम
१२-१६ ऑगस्ट – दुसरा कसोटी सामना, लॉर्ड्स
२५-२९ ऑगस्ट – तिसरा कसोटी सामना, हेडिंग्ले
२-६ सप्टेंबर – चौथा कसोटी सामना, लंडन
१०-१४ सप्टेंबर – पाचवा कसोटी सामना, मँचेस्टर
महत्त्वाच्या बातम्या-
“विश्वचषकासाठी मी विराट कोहलीचा लकी चार्म”, भारतीय खेळाडूने संघात परतण्याचा व्यक्त केला मनोदय
‘या’ कारणामुळे इंग्लंडचे फलंदाज अक्षर पटेलविरुद्ध ठरले अपयशी, फिरकीपटूनेच केला खुलासा
