सध्या भारतात लग्नाचा मोसम सुरू आहे. अलीकडेच भारतीय क्रिकेट संघाचा वेगवान गोलंदाज मुकेश कुमार यानेही त्याची बालपणीची मैत्रीण दिव्या सिंगसोबत लग्नगाठ बांधली. त्याच्याशिवाय या यादीत नवदीप सैनी याचाही समावेश आहे. दरम्यान, भारताचा वेगवान गोलंदाज चेतन साकारिया यानेही आपल्या आयुष्यातील नवी इनिंग सुरू करण्याच्या दिशेने पहिले पाऊल टाकले आहे आणि लग्न केले आहे.
मंगळवारी (4 डिसेंबर) 25 वर्षीय चेतन साकारिया (Chetan Sakaria) याने इंस्टाग्रामवर एक पोस्ट शेअर केली. या फोटोमध्ये चेतन त्याची बायको मेघनासोबत दिसत आहे. या खास प्रसंगी चेतनने गुलाबी रंगाची शेरवानी घातली होती, तर त्याची भावी पत्नी गुलाबी रंगाच्या ड्रेसमध्ये दिसली होती. पोस्टच्या कॅप्शनमध्ये भारतीय गोलंदाजाने लिहिले, “आम्ही कायमचे एकत्र पुढचे पाऊल टाकायचे ठरवले आहे.”
चेतनची ही पोस्ट समोर आल्यानंतर चाहते आणि सहकारी खेळाडू त्याचे अभिनंदन करत आहेत. सूर्यकुमार यादव यानेही त्याला शुभेच्छा दिल्या आहेत. त्याने पोस्ट करत लिहिले, ‘अभिनंदन.’
चेतनच्या आंतरराष्ट्रीय क्रिकेट कारकिर्दीबद्दल बोलायचे तर, त्याने जुलै 2021 मध्ये पदार्पण केले. आतापर्यंत त्याने एक वनडे आणि दोन टी20 सामने खेळले असून त्यात त्याने एकूण तीन विकेट्स घेतल्या आहेत. 25 वर्षीय गोलंदाजाने भारताकडून शेवटचा सामना 2021 मध्येच श्रीलंकेविरुद्ध खेळला होता, तेव्हापासून तो संघात पुनरागमन करू शकला नाही.
हा डावखुरा वेगवान गोलंदाज आयपीएलमध्ये राजस्थान रॉयल्स आणि दिल्ली कॅपिटल्सच्या संघांचा भाग राहिला आहे. आयपीएल 2024 च्या मिनी लिलावापूर्वी दिल्ली कॅपिटल्सने त्याला रिलीज केले आहे. गेल्या मोसमात त्याला दिल्लीकडून फक्त दोनच सामने खेळायला मिळाले, ज्यात त्याने तीन विकेट्स घेतल्या. आता त्याला कोणता संघ लिलावात सामील करतो हे पाहावे लागेल. (The Indian bowler tied the knot, shared photos with his wife with a special caption)
महत्वाच्या बातम्या
फाफ डू प्लेसिसने दिले आंतरराष्ट्रीय क्रिकेटमध्ये पुनरागमन करण्याचे संकेत, 2024 टी20 विश्वचषकावर असणार नजर
ऑस्ट्रेलिया दौरा सुरू होण्यापूर्वीच पाकिस्तानच्या दोन खेळाडूंमध्ये वाद, व्हिडिओ आला समोर
