आयपीएल 2024च्या हंगामात ऋषभ पंत याच्या पुनरागमनावर माजी क्रिकेटपटू आकाश चोप्रा याने मोठी प्रतिक्रिया दिली आहे. ऋषभ पंत दिल्ली कॅपिटल्ससाठी उपलब्ध झाल्यास संघाच्या अनेक अडचणी आपोआप संपतील, असे त्याने म्हटले आहे. आकाश चोप्राच्या म्हणण्यानुसार, गेल्या हंगामात दिल्ली कॅपिटल्ससाठी बर्याच गोष्टी योग्य ठरल्या नाहीत आणि तो त्या दुरुस्त करण्याचा प्रयत्न करेल.
ऋषभ पंत (Rishabh Pant) आयपीएल 2024 मध्ये खेळताना दिसणार असल्याचे दिल्ली कॅपिटल्सने जाहीर केले आहे. व्यवस्थापनाच्या मते, एनसीएमध्ये सावरणारा ऋषभ पंत फेब्रुवारीपर्यंत तंदुरुस्त होण्याची अपेक्षा आहे. यानंतर एनसीए व्यवस्थापकाकडून परवानगी मिळाल्यानंतरच तो आयपीएलमध्ये खेळू शकेल. दिल्ली कॅपिटल्सच्या अधिकाऱ्याने सांगितले की, पंत निश्चितपणे मैदानावर संघाचे नेतृत्व करेल.
आकाश चोप्रा (Aakash Chopra) याच्या मते, ऋषभ पंतच्या आगमनाने दिल्ली कॅपिटल्ससाठी अनेक गोष्टी योग्य होतील. त्याने त्याच्या यूट्यूब चॅनलवर शेअर केलेल्या व्हिडिओमध्ये म्हटले आहे, “संघ जे काही करत होता ते योग्य नव्हते. पॉवरप्लेमध्ये अनुभवाचा अभाव होता आणि कोणीही मारण्याचा प्रयत्न करत नव्हता. डेव्हिड वॉर्नर एकही षटकार न मारता इतके डॉट बॉल खेळत असल्याचे आपण प्रथमच पाहिले. अक्षर पटेल (Axar Patel) हा सर्वोत्तम क्रिकेट खेळत होता पण त्याला फारशी फलंदाजी करायला लावली जात नव्हती किंवा पूर्ण षटके टाकायला लावली जात नव्हती. गेल्या वर्षी संघासाठी बर्याच गोष्टी चुकीच्या होत्या आणि त्या सुधारण्याचा प्रयत्न करत आहेत. ऋषभ पंत उपलब्ध होईल अशी आशा संघाला आहे. ऋषभ उपलब्ध झाल्यास संघाच्या अनेक अडचणी आपोआप संपतील.” (The legend’s eye-catching reaction to Pant making a comeback in IPL Said Many things wrong)
महत्वाच्या बातम्या
‘जितेश शर्मा सूर्यकुमार सारखा…’, इरफान पठाणचं यष्टिरक्षक फलंदाजाबद्दल धक्कादायक विधान
IPL 2024: दिल्ली कॅपिटल्ससाठी आनंदाची बातमी; आगामी हंगामात ऋषभ पंत खेळणार, पण असणार ‘ही’ अट
