आयपीएल 2025 स्पर्धेमध्ये 7 मे रोजी चेन्नई विरुद्ध कोलकाता संघात सामना खेळला गेला. या सामन्यात चेन्नईने कोलकाताचा 2 विकेट्सने पराभव केला. प्रथम फलंदाजी करताना कोलकाताने 179 धावा केल्या होत्या.
180 धावांचा पाठलाग करताना चेन्नई सुपर किंग संघाची सुरुवात खूपच खराब झाली. अर्धा संघ तर 60 धावांवर परत पवेलियनमध्ये गेला होता. तेव्हा वाटले होते की, पुन्हा एकदा संघ चुकीच्या पद्धतीने हरणार आहे. पण डेवाल्ड ब्रेविसने शानदार पारी खेळत सीएसकेच्या जिंकण्याच्या आशा जिवंत ठेवल्या. त्याने 25 चेंडूत 4 षटकार आणि 4 चौकार झळकावत 52 धावा केल्या. त्याच्यानंतर शिवम दुबेने संघ सांभाळला.
शिवम दुबेने 40 चेंडूत 45 धावा केल्या तसेच तो 19 व्या षटकात बाद झाला. त्याने चेन्नईला विजयाच्या जवळ घेऊन पोहोचवले. अंतिम षटकात आठ धावा संघाला जिंकण्यासाठी पाहिजे होत्या. धोनीने पहिल्या चेंडूवर षटकार झळकावला. तिसऱ्या चेंडूवर त्याने सिंगल धाव घेऊन स्ट्राइक अंशुल कंबोजकडे सोपवली. नंतर त्याने विजयाचा चौकार मारून सामना जिंकला.
चेन्नईच्या या विजयामुळे केकेआरच्या प्लेऑफच्या आशांना धक्का बसला आहे. उरलेले दोन सामने जिंकले तरीही प्लेऑफमध्ये पोहोचण्यासाठी त्यांना बाकीच्या संघावर अवलंबून राहावे लागेल.
