रॉयल चॅलेंजर्स बेंगलोरविरुद्ध रविवारी (21 मे) शुबमन गिल याने शतक केले आणि गुजरात टायटन्सला विजय मिळवून दिला. शुबमन गिलचे आयपीएल 2023मधील हे दुसरे शतक ठरले. पराभवानंतर आरसीबी संघ प्लेऑफच्या शर्यतीतून बाहेर फेकला गेला आहे. उभय संघांतील या सामन्यात शुमबन मॅचविनर ठरल्यामुळे आरसीबी चाहत्यांकडून त्याल आणि त्याची बहीण शाहनील गिल यांना ट्रोल करण्यात आले. यात काही नेटकरी असेही होते, ज्यांनी या दोघांना शिवीगाळ केली. याच पार्श्वभूमवीर आता या प्रकरणात दिल्ली महिला आयोगाच्या अध्यक्षा स्वाती मालीवाल पुढे आल्या आहेत.
स्वाती मालिवाल (Swati Maliwal) मागच्या मोठ्या काळापासून महिलांसाठी काम करत आल्या आहेत. दिल्ली महिला आयोगाच्या अध्यक्षपदीही त्यांची कामगिरी उल्लेखनीय राहिली आहे. स्वाती मालीवालने आपल्या अधिकृत ट्वीटर खात्यावरून याविषयी सविस्तर पोस्ट लिहिली आहे. त्यांनी सांगितल्याप्रमाणे शुबमन गिल (Shubman Gill) आणि शाहनील गिल (Shahneel Gill) यांच्यासाठी अपशब्द वापणाऱ्यांवर कारवाई केली जाईल. अशा प्रकारची ट्रोलिंग सहन केली जाणार नाही.
“ट्रोलर्स शुबमन गिलच्या बहिणीलाही शिव्या घालत आहेत, हे पाहून वाईट वाटले. आपला संघ पराभूत झाला म्हणून असे वागणे चुकीचे आहे. यापूर्वी आम्ही विराट कोहलीच्या मुलासाठी चुकीचे शब्द वारपणाऱ्यांवर कारवाई सुरू केली होती. डीसीडब्ल्यू आता त्या लोकांविरुद्धही कारवाई सुरू करेल, ज्यांनी गिलच्या बहिणीला शिवागाळ केली आहे. हे सहन करण्यायोग्य नाहीये.”
Extremely shameful to see trollers abusing #ShubhmanGill’s sister just because the team they follow lost a match. Previously we had initiated action against people abusing #ViratKohli daughter. DCW will take action against all those who have abused Gill’s sister as well. This… pic.twitter.com/eteGtGgPVm
— Swati Maliwal (@SwatiJaiHind) May 22, 2023
दरम्यान, सोशल मीडियावर आपल्याला मोठ्या प्रमाणात ट्रोल केले जात असले, तरी शुबमन गिल किंवा त्याच्या बहिणीकडून याविषयी अध्याप कुठलीच प्रतिक्रिया समोर आली नाहीये. गिलचे चालू आयपीएल हंगामातील प्रदर्शन पाहिले, तर सध्या तो ऑरेंज कॅपच्या शर्यतीत दुसऱ्या क्रमांकावर आहे. लीग स्टेजच्या 14 सामन्यांनंतर रॉयल चॅलेंजर्स बेंगलोरचा कर्णधार फाफ डू प्लेसिस याच्या नावावर सर्वाधिक 730 धावा आहेत. यादीत दुसऱ्या क्रमांकावर शुबमन गिल आहे, ज्याने 14 सामन्यांमध्ये 360 धावा केल्या आहेत.
रविवारी गुजरात टायटन्सकडून आरसीबी पराभूत झाल्यानंतर त्यांचा संघ प्लेऑफ फेरीत पोहोचू शकला नाही. गुजरात टायटन्स, चेन्नई सुपर किंग्ज, लखनऊ सुपर जायंट्स आणि मुंबई इंडियन्स हे चार संघ प्लेऑफ फेरीत आमने सामने आहेत. मंगळवारी (23 मे) गुजरात आणि चेन्नईमध्ये क्लॉलिफायर एक सामना खेळवला जात आहे. या सामन्यातील विजेता संघ अंतिम सामन्यात, तर पराभूत झालेला संघ क्लॉलिफायर दोनमध्ये खेळेल. (Those who abused Shubman Gill’s sister are no longer safe, said the chairperson of Delhi Commission for Women)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
ऋतुराज गुजरातविरुद्ध अपयशी ठरावा! ही आकडेवारी पाहून सीएसके फॅन्स असंच म्हणतील
हैदराबादविरुद्धचे शतक ग्रीनच्या आयपीएल कारकिर्दीतील महत्वाचा टप्पा! माजी ऑस्ट्रेलियन दिग्गजाकडून कौतुक