क्रिकेटमध्ये एकदिवसीय स्वरुपाची सुरुवात १९७१ साली झाली. तेव्हापासून आजपर्यंत सर्व क्रिकेटप्रेमींची नजर ही एकदिवसीय सामन्यांकडे असते, असे म्हणणे वावगे ठरणार नाही. सध्याच्या काळात टी२० क्रिकेटकडे अधिक लक्ष दिले जात असले; तरी एकदिवसीय क्रिकेटचे आकर्षण अद्याप संपलेले नाही. २०१९ सालच्या विश्वचषकामध्ये आपल्याला अनेक मनोरंजक सामने पाहायला मिळाले होते.
क्रिकेटच्या इतर स्वरुपांप्रमाणे एकदिवसीय क्रिकेटमध्येही जय आणि पराजयाची प्रक्रिया सुरू असते. दरम्यान अनेक संघ जिंकून इतिहास रचतात; तर काही संघ पराभवाला सामोरे जात नकोसे विक्रम करतात. आज आपण तीन अशा संघांविषयी बोलणार आहोत, ज्यांना एकदिवसीय क्रिकेटमध्ये सर्वाधिकवेळा पराभवाचा सामना करावा लागला आहे.
३. पाकिस्तान क्रिकेट संघ
पाकिस्तानने आपला पहिला एकदिवसीय सामना हा १९७३ साली न्यूझीलंडविरुद्ध खेळला होता. या सामन्यात पाकिस्तानला २२ धावांनी पराभव पत्करावा लागला होता. पाकिस्तान संघाचे एकदिवसीय सामन्यात प्रदर्शन खूप खराब राहिले आहे. पाकिस्तानने आतापर्यंत एकूण ९३३ एकदिवसीय सामने खेळले आहेत. त्यापैकी तब्बल ४१४ सामने त्यांनी गमावले आहेत. तसेच ४९० सामन्यात संघाने विजय मिळविला आहे. इमरान खानच्या नेतृत्वात १९९२ मध्ये पाकिस्तानने विश्वचषक जिंकला होता.
२. श्रीलंका क्रिकेट संघ
श्रीलंका क्रिकेट संघाची सध्याची एकदिवसीय सामन्यांतील आकडेवारी खूप खराब आहे. एकदिवसीय क्रिकेटमध्ये सर्वाधिक वेळेस पराभूत होण्याच्या नकोशा विक्रमापासून ते अवघ्या काही अंतराने दूर आहेत. श्रीलंकाला आतापर्यंत खेळलेल्या ८५७ एकदिवसीय सामन्यांपैकी ४२६ सामन्यांत पराभव पत्कारावे लागले आहेत आणि ३९० सामन्यात त्यांनी विजय मिळवला आहे. या यादीत श्रीलंका हे दुसऱ्या स्थानी आहे. १९९६चा विश्वचषक त्यांनी आपल्या नावावर केला होता.
१. भारतीय क्रिकेट संघ
वनडे इतिहासातील सर्वाधिक ९९३ सामन्यांमध्ये भारतीय संघाने भाग घेतला आहे. दरम्यान संघाने सर्वाधिक सामनेही गमावले आहेत. एकदिवसीय क्रिकेटमध्ये सर्वाधिकवेळा पराभूत होणाऱ्या संघांच्या सूचित भारत प्रथमस्थानी आहे. भारताने ९९३ सामन्यांमधून ५१६ सामने जिंकले आहेत व ९ सामने बरोबरीत आणि ४१ सामन्यांचा निर्णय नाही लागला. तर सर्वाधिक ४२७ सामन्यात त्यांचा पराभव झाला आहे. भारतीय संघाने आतापर्यंत २ विश्वचषक आपल्या नावावर नोंदवले आहे.
महत्त्वाच्या बातम्या-
श्रीलंका दौऱ्यावर असणार भारताचं वर्चस्व, ‘ही’ आहेत त्यामागची समर्पक कारणे
ENGvIND: १० सामन्यात ७२७ धावा करणारा ‘हा’ फलंदाज कसोटी मालिकेत चोपणार सर्वाधिक धावा
आयपीएलमध्ये २०१३ पासून ‘हे’ दोन खेळाडू खेळत आहेत, पण नावावर नाही एकही चौकार-षटकार
