आयपीएल 2025 मध्ये 17 एप्रिल रोजी वानखेडे स्टेडियमवर मुंबई इंडियन्स आणि सनरायझर्स हैदराबाद यांच्यात हाय-व्होल्टेज सामना होणार आहे. माजी अनुभवी खेळाडू डेल स्टेनने एक मोठी भविष्यवाणी केली आहे की या सामन्यात चाहत्यांना आयपीएलचा पहिला 300+ धावांचा टप्पा पाहता येईल. दोन्ही संघांकडे स्फोटक फलंदाज आहेत, त्यामुळे एका डावात 300 धावा करणे अशक्य नाही. सनरायझर्स हैदराबादने गेल्या सामन्यात पंजाब किंग्जविरुद्ध 246 धावांच्या विक्रमी धावसंख्येचा पाठलाग करून 8 विकेट्सने विजय मिळवला होता. त्या सामन्यात अभिषेक शर्माने 141 धावा आणि ट्रॅव्हिस हेडने 66 धावा केल्या.
अभिषेक शर्मा आणि ट्रॅव्हिस हेड यांनी या हंगामात आतापर्यंत चांगली फलंदाजी केली आहे. आता दोन्ही खेळाडू मुंबईविरुद्धच्या सामन्यातही स्फोटक फलंदाजी करू शकतात. हा सामना ट्रॅव्हिस हेडसाठी खूप खास असणार आहे, कारण तो या सामन्यात काही विक्रम आपल्या नावावर करू शकतो. ते रेकॉर्ड कोणते आहेत, ते पाहुयात
ट्रॅव्हिस हेडने आतापर्यंत आयपीएलमध्ये 31 सामन्यांमध्ये 986 धावा केल्या आहेत. मुंबई इंडियन्सविरुद्ध 14 धावा करताच तो 1000 धावांचा टप्पा पूर्ण करेल. हेडने आता आयपीएलमध्ये 31 सामने खेळले आहेत. या 31 सामन्यांपैकी 31 डावांमध्ये त्याने 36.51 च्या सरासरीने 986 धावा केल्या आहेत. त्याने आयपीएलमध्ये शतकही केले आहे आणि त्याचा सर्वोच्च धावसंख्या 102 धावा आहे. आयपीएल 2025 मध्ये हेड चांगल्या फॉर्ममध्ये आहे. अशा परिस्थितीत तो या सामन्यात 1000 धावांचा टप्पा गाठू शकतो.
ट्रॅव्हिस हेडला आयपीएलमध्ये 50 षटकार पूर्ण करण्यासाठी फक्त एका षटकाराची आवश्यकता आहे, तो मुंबई इंडियन्सविरुद्धच्या सामन्यात हा विक्रम करताना दिसू शकतो. तर हेडला टी-20 मध्ये 200 षटकार पूर्ण करण्यासाठी फक्त 3 षटकारांची आवश्यकता आहे. हेडने आयपीएलमध्ये आतापर्यंत 49 षटकार आणि 106 चौकार मारले आहेत. त्याच्या टी-20 कारकिर्दीत, हेडने 152 सामन्यांमध्ये 197 षटकार मारले आहेत.
