अंडर 19 वर्ल्डकप स्पर्धेत शेवटच्या षटकापर्यंत रंगलेल्या चुरशीच्या मुकाबल्यात ऑस्ट्रेलियाने निसटता विजय मिळवत U19 वर्ल्डकप स्पर्धेची अंतिम फेरी गाठली आहे. तर अंतिम फेरीत भारत ऑस्ट्रेलिया यांच्यात सामना होणार आहे. याबरोबच वनडे वर्ल्डकप 2023 स्पर्धेनंतर अंडर 19 वर्ल्डकप स्पर्धेत देखील दोन्ही संघ आमनेसामने आले आहेत.
भारताने एकही सामना न गमवता अंतिम फेरी गाठली आहे. याबरोबरच ऑस्ट्रेलियाचा वेस्ट इंडिजविरुद्धचा एकमेव सामना पावसाच्या व्यत्ययामुळे रद्द करण्यात आला. या व्यतिरिक्त इतर सर्व सामन्यात ऑस्ट्रेलियाने बाजी मारली आहे. त्यामुळे अंतिम भारतासमोर ऑस्ट्रेलियाचं तगडं आव्हान असणार आहे.
याबरोबरच, भारताने अंडर 19 वर्ल्डकप स्पर्धेत 9 वेळा धडक मारली आहे. तर 2000, 2006, 2008, 2012, 2016, 2018, 2020, 2022, 2024 या वर्षात देखील भारतीय संघाने अंतिम फेरी गाठली होती. तर, ऑस्ट्रेलियाने सहावेळा अंतिम फेरीत धडक मारली आहे. तसेच 1998, 2002, 2010, 2012 2018 आणि 2024 साली अंतिम फेरीत प्रवेश केला आहे.
दरम्यान, काल झालेल्या अंडर 19 वर्ल्डकप उपांत्य फेरीच्या सामन्यात ऑस्ट्रेलियाने पाकिस्तानला १७९ धावांत गुंडाळले होते. तसेच, ऑस्ट्रेलिया कडून वेगवान गोलंदाज टॉम स्ट्राकर याने २४ धावांत ६ विकेट मिळवल्या होत्या. यामुळे हा सामना ऑस्ट्रेलिया सहज जिंकणार, असे वाटत असतानाच त्यांना विजयासाठी अखेरच्या षटकापर्यंत संघर्ष करावा लागला होता. तसेच,अंतिम फेरीत भारत ऑस्ट्रेलिया यांच्यात लढत होणार आहे. हा सामना 11 फेब्रुवारीला होणार असून कोण बाजी मारणार याकडे सगळ्यांचे लक्ष लागले आहे.
पुढील प्रमाणे दोन्हीं संघाचे खेळाडू :-
भारत अंडर 19 संघ: आदर्श सिंग, प्रियांशु मोलिया, रुद्र पटेल, सचिन धस, उदय सहारन (कर्णधार), आर्शिन कुलकर्णी, मुशीर खान, अरवेली अवनिश राव (विकेटकीपर), इननेश महाजन (विकेटकीपर), आराध्या शुक्ला, धनुष गोवडा, मुरुगन अभिषेक, नमन तिवारी, राज लिंबानी, सौम्य पांडे
ऑस्ट्रेलिया अंडर 19 संघ: हॅरी डिक्सन, हरजस सिंग, सॅम कोन्स्टास, ह्यू वेबगेन (कर्णधार), ऑलिव्हर पीक, लचलान एटकेन (डब्ल्यू), राफ मॅकमिलन, चार्ली अँडरसन, हरकिरत बाजवा, महली बियर्डमन, कॅलम विडलर, रायन हिक्स, टॉम कॅम्पबेल, टॉम स्ट्रेकर, एडन ओ कॉनर, कोरी वॉस्ले.
महत्त्वाच्या बातम्या –
- वाढदिवस विशेष: सर्वाधिक फलंदाजांना शून्यावर बाद करणारा अवलिया, ज्याला संघ सहकारी म्हणायचे ‘कबूतर’
- त्रेपन्न वर्षांपुर्वी जर पैशांचा पाऊस पडला नसता, तर कदाचित ‘वनडे क्रिकेट’चे नावदेखील नसते
- दुसरी कसोटी जिंकूनही टीम इंडियाच्या ‘या’ दोन खेळाडूंबाबत मॅनेजमेंट घेणार कठोर निर्णय? संघातून बाहेर काढण्याची शक्यता
