इंडियन प्रीमियर लीगच्या 19 व्या हंगामासाठी काल, (16 डिसेंबर 2025) रोजी अबू धाबी येथील ‘एतिहाद एरीना’मध्ये मिनी ऑक्शन पार पडले. या लिलावात रॉयल चॅलेंजर्स बेंगळुरू (RCB) संघ 16 कोटी 40 लाख रुपयांच्या पर्ससह उतरला होता. या लिलावात आरसीबीकडे एकूण 8 जागा शिल्लक होत्या. याचाच अर्थ, आरसीबीने लिलावापूर्वी रिटेंशनद्वारे 17 खेळाडूंना आपल्या संघात कायम ठेवले होते, ज्यामध्ये विराट कोहलीसारख्या दिग्गज नावाचाही समावेश आहे. यावेळच्या लिलावात आरसीबीची सर्वात मोठी खरेदी व्यंकटेश अय्यर ठरले. व्यंकटेश अय्यरला लिलावापूर्वी कोलकाता नाईट रायडर्सने (KKR) आपल्या संघातून मुक्त केले होते.
इंडियन प्रीमियर लीगच्या 19व्या हंगामासाठी (16 डिसेंबर 2025) रोजी अबू धाबी येथे झालेल्या मिनी ऑक्शनमध्ये रॉयल चॅलेंजर्स बेंगळुरूने (RCB) 16 कोटी 40 लाख रुपयांच्या पर्ससह सहभाग घेतला. या लिलावात आरसीबीने दोन परदेशी खेळाडूंसह एकूण 8 खेळाडूंना खरेदी केले, ज्यामुळे त्यांच्या ताफ्यात आता 8 परदेशी खेळाडूंसह एकूण 25 खेळाडू पूर्ण झाले आहेत.
आरसीबीची या लिलावातील सर्वात मोठी खरेदी वेगवान गोलंदाज अष्टपैलू खेळाडू व्यंकटेश अय्यर ठरले, ज्यांना त्यांनी 7 कोटी रुपयांना संघात घेतले. व्यंकटेश अय्यर यांच्यासोबतच सात्विक देसवाल, जेकब डफी आणि मंगेश यादव यांनाही संघात स्थान मिळाले असून, या सर्व खरेदीनंतरही आरसीबीच्या पर्समध्ये 2.5 कोटी रुपये शिल्लक आहेत.
रजत पाटीदार (कर्णधार), विराट कोहली, देवदत्त पडिक्कल, फिल साल्ट, जितेश शर्मा, कृणाल पांड्या, स्वप्निल सिंग, टिम डेव्हिड, रोमारिओ शेफर्ड, जेकब बेथेल, जोश हेझलवूड, यश दयाल, भुवनेश्वर कुमार, नुवान तुषारा, रसीख सलाम, अभिनंदन सिंग, सुयश शर्मा, व्यंकटेश अय्यर (7 कोटी), मंगेश यादव (5.20 कोटी), जेकब डफी (2 कोटी), जॉर्डन कॉक्स (75 लाख), सात्विक देसवाल (30 लाख), विकी ओस्तवाल (30 लाख), कनिष्क चौहान (30 लाख) आणि विहान मल्होत्रा (30 लाख).
इंडियन प्रीमियर लीगच्या 19व्या हंगामासाठी यावेळी रॉयल चॅलेंजर्स बेंगळुरूने कोणत्याही खेळाडूला ‘ट्रेडिंग’च्या माध्यमातून आपल्या संघात सामील केलेले नाही. दरम्यान, आरसीबीने 2025 च्या हंगामातील आपला मुख्य संघ (Core Team) कायम राखला आहे.
टी-20 वर्ल्ड कप 2026 मध्ये रंगणार दिग्गजांची मैफल! विश्वचषकासाठी ‘स्टार’ कॉमेंट्री पॅनेलची घोषणा