भारतीय संघाचा कर्णधार विराट कोहलीच्या नावावर आंतरराष्ट्रीय क्रिकेटमध्ये अनेक विक्रम आहेत. परंतु आयपीएलमध्ये त्याच्या नावावर असे काही विक्रम आहेत, ज्यांच्याबद्दल खूप कमी चाहत्यांना माहित असेल. विराट हा आयपीएल इतिहासातील सर्वात युवा कर्णधार आहे. याव्यतिरिक्त त्याचे या स्पर्धेत सर्वाधिक धावाही आहेत.
आयपीएलमध्ये विराटच्या नावावर असलेले विक्रम –
सर्वात तरुण कर्णधार –
विराट २०१३मध्ये अधिकृतरित्या रॉयल चॅलेंजर्स बेंगलोर (Royal Challengers Bangalore) संघाचा नियमित कर्णधार बनला होता. यापूर्वी त्याने डेनियल विटोरीऐवजी (Daniel Vettori) प्रभारी कर्णधार म्हणून २०१२च्या हंगामातील आरसीबीच्या अर्ध्या सामन्यांमध्ये नेतृत्व केले होते. परंतु त्याने सर्वप्रथम आरसीबीचे नेतृत्व २०११मध्ये केले होते.
राजस्थान रॉयल्सविरुद्ध विटोरीला खेळता आले नव्हते. त्यामुळे विराटला नेतृत्व करावे लागले होते. आरसीबीने त्या सामन्यात ९ विकेट्सने विजय मिळविला होता. विराट त्यावेळी केवळ २२ वर्ष आणि १८७ वर्षांचा होता. त्याचा हा विक्रम आजही कायम आहे.
आयपीएलमध्ये सर्वाधिक धावा करणारा फलंदाज –
विराट आयपीएलमध्ये सर्वाधिक धावा करणारा फलंदाज आहे. त्याच्या नावावर १७७ सामन्यांमध्ये एकूण ५४१२ धावा आहेत. असे असले तरी तो, ५००० धावांचा आकडा पार करणारा पहिला फलंदाज नव्हता. यापूर्वी चेन्नई सुपर किंग्स (Suresh Raina) संघाचा ‘मिस्टर आयपीएल’ सुरेश रैनाने (Suresh Raina) हा कारनामा केला होता. रैनाच्या नावावर १९३ सामन्यांमध्ये ५३६८ धावा आहेत.
भारतात आयपीएलमध्ये ५००० धावा पूर्ण करणारा पहिला फलंदाज –
विराटच्या नावावर आणखी एक अनोखा विक्रम आहे. तो भारतात खेळताना आयपीएलमध्ये ५००० धावा पूर्ण करणारा पहिला फलंदाज आहे. त्याने आपली ५ शतके आणि ३६अर्धशतकांपैकी ३५ अर्धशतके ही भारतातच पूर्ण केली आहेत.
आयपीएल २००९चा हंगाम भारताबाहेर म्हणजेच दक्षिण आफ्रिकेमध्ये खेळवण्यात आला होता. या हंगामाचे विजेतेपद डेक्कन चार्जर्स संघाने मिळवले होते. तसेच २०१४मधील आयपीएलचे अर्धे सामने भारताबाहेर म्हणजेच दुबईमध्ये खेळवण्यात आले होते. या हंगामाचे विजेतेपद बॉलिवूड अभिनेता शाहरूख खानचा संघ कोलकाता नाईट रायडर्सने मिळविले होते.
कर्णधार म्हणून ११ संघाविरुद्ध विजय –
आयपीएलमधील नेतृत्वाबद्दल विराटला नेहमीच टीकेला सामोरे जावे लागते. कारण आरसीबीने आतापर्यंत आयपीएलचे एकही विजेतेपद जिंकता आलेले नाही. असे असले तरी कर्णधार म्हणून एक अनोखा विक्रम त्याच्या नावावर आहे. तो आयपीएलच्या ११ संघांविरुद्ध विजय मिळविणारा कर्णधार आहे. आयपीएलमधील सध्या बेंगलोर सोडून सक्रिय असलेल्या ७ संघांव्यतिरिक्त त्याने डेक्कन चार्जर्स, पुणे वॉरिअर्स इंडिया, गुजरात लायन्स आणि रायझिंग पुणे सुपर जायंट्सविरुद्ध (Rising Pune Supergiant) विजय मिळविला आहे.
केवळ कोची टस्कर्स केरलाविरुद्ध (Kochi Tuskers Kerala) त्याला विजय मिळवता आला नाही. विराट व्यतिरिक्त गौतम गंभीरने (Gautam Gambhir) १३ पैकी १२ संघांना पराभूत केले आहे.
ट्रेंडिंग घडामोडी-
-रवी शास्त्री अडकले अलिबागमध्ये, आता घेणार बीअरचा आनंद
-जीवनातील या ८ महत्त्वाच्या गोष्टी, ज्या धोनीकडून आहेत शिकण्यासारख्या
-३५ वर्षांपुर्वीची तगडी टीम इंडिया आजच्या टीम कोहलीला ठरली असती भारी