इंडियन प्रीमियर लीग २०२२चा अठरावा सामना रविवारी (०९ एप्रिल) रॉयल चॅलेंजर्स बेंगलोर विरुद्ध मुंबई इंडियन्स यांच्यात होणार आहे. हा सामना जिंकत मुंबईचा संघ त्यांच्या विजयाचे खाते उघडण्यासाठी प्रयत्नशील असेल. तर बेंगलोरचा संघ त्यांचा हंगामातील तिसरा विजय नोंदवण्यासाठी प्रयत्न करेल. पुण्याच्या महाराष्ट्र क्रिकेट असोसिएशन स्टेडियमवर हा सामना सुरू होण्यापूर्वी उभय संघातील खेळाडू नेट्समध्ये सराव करताना दिसले. दरम्यान बेंगलोरचा फलंदाज विराट कोहली याचा एक व्हिडिओ व्हायरल होत आहे.
व्हायरल होत असलेल्या व्हिडिओत विराट (Virat Kohli) नेट्समध्ये फलंदाजीचा सराव (Batting In Nets) करताना दिसत आहे. यावेळी तो त्रिफळाचीत झाल्यामुळे त्याला स्वत:वरचा राग अनावर (Virat Gets Angry In Nets) झाला.
व्हिडिओत दिसते की, विराट लेट-कट खेळण्याच्या प्रयत्नात त्रिफळाचीत झाला. मैदानावर सातत्याने खराब प्रदर्शन करताना दिसणारा विराट नेट्समध्येही दुर्दैवीरित्या त्रिफळाचीत झाल्यामुळे फार वैतागला. त्याने बॅट स्टंपवर उगारत स्टंप उडवून टाकण्याचा प्रयत्न केला. परंतु त्वरित माघारही घेतली. त्यानंतर बॅटने जोराने चेंडूला मारत गोलंदाजाला चेंडू परत दिला. विराटला सराव सत्रादरम्यान इतक्या रागात फार कमीवेळा पाहिले गेले आहे.
विराट आतापर्यंत आयपीएल २०२२मध्ये विशेष कामगिरी करू शकलेला नाही. त्याने आतापर्यंत ३ सामने खेळताना केवळ ५८ धावा केल्या आहेत. बऱ्याचदा तो मैदानावर खराब फटका खेळण्याच्या नादात विकेट गमावून बसला आहे. त्याने केवळ २९ च्या सरासरीने या धावा केल्या आहेत. विराटची ही आतापर्यंतची आयपीएलमधील सर्वात खराब कामगिरी आहे.
Nahi sir bat se apna sir phodna tha 🥲✌🏽😒 pic.twitter.com/QeDDzh92Rn
— Aani⁷ ★彡 (@wigglyywhoops) April 8, 2022
असे असू शकतात संभावित संघ-
रॉयल चॅलेंजर्स बेंगलोर –
फाफ डू प्लेसिस (कर्णधार), अनुज रावत, विराट कोहली, ग्लेन मॅक्सवेल, दिनेश कार्तिक (यष्टीरक्षक), डेविड विली, शाहबाज अहमद, वानिंदू हसरंगा, हर्षल पटेल, आकाश दीप, मोहम्मद सिराज
मुंबई इंडियन्स –
रोहित शर्मा (कर्णधार), इशान किशन (यष्टीरक्षक), डेवाल्ड ब्रेविस, सूर्यकुमार यादव, टिळक वर्मा, कायरन पोलार्ड, फॅबियन ऍलन/डॅनियल सॅम्स, मुरुगन अश्विन, जसप्रीत बुमराह, टायमल मिल्स, बसिल थम्पी
