आयपीएलच्या 17 व्या हंगामाला 22 मार्चपासून सुरुवात होणार आहे. तसेच आयपीएल 2024 स्पर्धेची सुरुवात रॉयल चॅलेंजर्स बंगळुरु आणि चेन्नई सुपर किंग्सच्या सामन्याने होणार आहे. तर या सामन्यापासून स्पर्धेचा रंग चढत जाणार आहे. तसेच या सामन्यात धोनी आणि विराट कोहली हे दिग्गज खेळाडू आमनेसामने येणार आहेत. याबरोबरच, विराट कोहली या सामन्यात इतिहास रचू शकतो.
अशातच आयपीएलमध्ये सर्वाधिक धावा आणि शतक ठोकण्याचा विक्रम विराट कोहलीच्या नावावर आहे. तसेच एका सीझनमध्ये सर्वाधिक धावाही त्याच्या नावावर आहेत. तसेच 2016 मध्ये विराट कोहलीने 973 धावा केल्या होत्या. मात्र विराट कोहली आयपीएलच्या 17 व्या हंगामात चेन्नई सुपर किंग्सविरुद्धच्या सामन्यात 6 धावा करताच अजुन एक विक्रम त्याच्या नावावर होणार आहे.
याबरोबरच चेन्नई सुपर किंग्सविरुद्धच्या सामन्यात 6 धावा करताच विराट कोहली टी20 क्रिकेटमध्ये 12 हजार धावा करणारा पहिला भारतीय खेळाडू ठरणार आहे. तसेच विराट कोहलीने टी20 फॉर्मेटमध्ये 11994 धावा केल्या आहेत. तर टी20 आंतरराष्ट्रीय क्रिकेटमध्ये 4037 आणि आयपीएलमध्ये 7263 धावा केल्या आहेत.
