इंडियन प्रीमिअर लीग 2023 स्पर्धेत विजयी सुरुवात करणाऱ्या रॉयल चॅलेंजर्स बेंगलोर संघाला दुसऱ्या सामन्यात पराभवाचा धक्का सहन करावा लागला. कोलकाता नाईट रायडर्स संघाच्या फलंदाजांसह गोलंदाजांनी शानदार कामगिरी करत बेंगलोरला 81 धावांनी पराभूत केले. हा कोलकाताचा स्पर्धेतील पहिला विजय ठरला. आरसीबीच्या स्पर्धेतील या पहिल्या पराभवानंतर भारताचा माजी सलामीवीर वीरेंद्र सेहवाग याने आरसीबीच्या फलंदाजी विभागावर सडकून टीका केली आहे.
प्रमुख फलंदाजांच्या अपयशानंतरही केकेआरने या सामन्यात 200 धावांचा टप्पा पार केला. बदल्यात आरसीबीकडून अशाच कामगिरीची अपेक्षा सर्वांना होती. मात्र, केकेआरच्या फिरकीपटूंसमोर आरसीबीच्या सर्व फलंदाजांनी कच खाल्ली. यामुळे त्यांना 81 धावांनी लाजिरवाणा पराभव पत्करावा लागला. या पराभवानंतर बोलताना समालोचक वीरेंद्र सेहवाग म्हणाला,
“तुम्हाला प्रत्येक वेळी विराट व प्लेसिसवर अवलंबून राहता येणार नाही. इतर फलंदाजांना देखील जबाबदारी घेऊन फलंदाजी करावी लागेल. हे दोघे बाद झाल्यानंतर इतर फलंदाज अक्षरशः सामना सोडून देतात. ग्लेन मॅक्सवेल व दिनेश कार्तिक या अनुभवी खेळाडूंनी जबाबदारी घेणे गरजेचे आहे.”
आरसीबीने या सामन्यात इम्पॅक्ट प्लेयर म्हणून डावखुरा फलंदाज अनुज रावत याला उतरवले होते. मात्र, तो अपयशी ठरला. त्याबद्दल बोलताना सेहवाग म्हणाला,
“त्याला भरपूर संधी दिली. त्याला आता आपला खेळ दाखवावाच लागेल. अन्यथा संघ व्यवस्थापनाने त्याच्यापेक्षा कोणी चांगला फलंदाज असेल तर त्याला देखील मैदानात उतरवून पाहावे.”
आरसीबीच्या फलंदाजांनी या सामन्यात चांगलीच हाराकिरी केली. प्लेसिसने 23 व विराटने 21 धावा केल्यानंतर इतर फलंदाज अक्षरशः फिरकीपटूंसमोर गुडघे टेकताना दिसले. वरूण चक्रवर्ती, सुनील नरीन व सुयश शर्मा या तीनही फिरकीपटूंनी त्यांचा डाव 123 धावांवर संपवला.
(Virender Sehwag Slams RCB Batting After Loss By KKR)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
विजयानंतर KKRची गरुडझेप! पॉइंट्स टेबलमध्ये RCBला जबर धक्का, तिसऱ्या स्थानावरून थेट ‘या’ स्थानी घसरण
आयपीएल सुरू असताना वाढल्या पृथ्वी शॉच्या अडचणी! सोशल मीडिया इन्फ्ल्यूएन्सरने केले आरोप