ऑस्ट्रेलियाचा विस्फोटक सलामीवीर डेविड वॉर्नर भारतीय चाहत्यांमध्ये खूप लोकप्रिय आहे. भारतात त्याच्या चाहत्यांची संख्या भरपूर आहे. यामागचे कारण त्याचे प्रदर्शन तर आहेच. याबरोबरच त्याची दाक्षिणात्य सिनेमांबद्दल असलेली आवडही भारतीय चाहत्यांना त्याच्या प्रेमात पाडते. वॉर्नर सातत्याने दाक्षिणात्य सिनेमातील गाण्यांवर डान्स किंवा सिनेमातील एखाद्या सीनचा अभिनय करताना दिसत असतो. त्याने आपल्या चाहत्यांसाठी अशीच एक नवी इंस्टाग्राम रील शेअर केली आहे.
वॉर्नरने (David Warner) शेअर केलेल्या नव्या इंस्टाग्राम रीलमध्ये (David Warner New Instagram Reel) तो दाक्षिणात्य सुपरस्टार अल्लू अर्जुन (Allu Arjun Reel) याच्या सिनेमातील एका सीनमध्ये आपला चेहरा बसवला आहे. वॉर्नरची ही इंस्टाग्राम रील चाहत्यांमध्ये मोठ्या प्रमाणात व्हायरल होत आहे. वॉर्नरने या रीलमध्ये अल्लू अर्जुनच्या चेहऱ्यासोबत आपल्या चेहऱ्याती अदलाबदली केल्याने त्याचे कौतुकही होत आहे.
वॉर्नरने आपली ही इंस्टाग्राम रील शेअर करत सिनेमातील स्टारचे नाव ओळखायलाही सांगितले आहे. अल्लू अर्जुनची भारत देशात जबरदस्त लोकप्रियता आहे. त्यामुळे वॉर्नरने शेअर केलेल्या या रीलच्या कमेंट सेक्शनमध्ये चाहत्यांकडून योग्य उत्तराचा पाऊस पडत आहे.
वॉर्नरने हे रील शेअर करत कॅप्शन दिले आहे की, ‘सांगा कोण परत आला आहे. मी कोण आहे.?’
https://www.instagram.com/tv/CgeM9w2lKnf/?utm_source=ig_web_copy_link
तसे तर वॉर्नरने अल्लू अर्जुनच्या सिनेमातील सीन करण्याची ही पहिलीच वेळ नाही. यापूर्वी अल्लू अर्जुनच्या सुपरहिट झालेल्या पुष्पा सिनेमातील बऱ्याच सीनचा अभिनय वॉर्नरने केला होता. तसेच पुष्पा सिनेमातील हुक स्टेपही त्याने कॉपी केल्या होत्या. या सिनेमातील ब्लॉकब्लास्टर ठरलेल्या गाण्यांवरही तो बऱ्याचदा थिरकला आहे. केवळ इंस्टाग्राम रील्समध्येच नव्हे तर, क्रिकेटच्या मैदानावर असतानाही तो पुष्पा सिनेमातील हुक स्टेप करताना दिसला आहे.
वॉर्नरने बऱ्याचदा स्वतला अल्लू अर्जुनचा मोठा प्रशंसक म्हटले आहे. त्यामुळे तो सतत त्याच्या सिनेमांमधील सीनमध्ये आपला चेहरा बसवून व्हिडिओ बनवत असतो.
महास्पोर्ट्सचा व्हॉट्सअप ग्रुप जॉईन करण्यासाठी येथे क्लिक करा
महत्त्वाच्या बातम्या-
कार्तिकच्या नावाची चाहत्यांकडून नारेबाजी, फिल्डिंग करत असलेल्या मुरली विजयने थेट जोडले हात
टीम इंडियाला मिळाला आणखी एक नवा कोच! टी२० वर्ल्डकपसाठी बीसीसीआयने कसली कंबर
