वर्ल्ड चॅम्पियनशिप ऑफ लेजेंड्स (WCL) 2025 चा महामुकाबला अखेर जवळ आला आहे. दोन आठवड्यांहून अधिक काळ रंगलेल्या या स्पर्धेचा अंतिम सामना आज, शनिवार 2 ऑगस्ट रोजी, रात्री 9 वाजता (भारतीय वेळेनुसार) बर्मिंगमच्या एजबेस्टन मैदानावर खेळला जाणार आहे. या लढतीत पाकिस्तान चॅम्पियन्स आणि साउथ आफ्रिका चॅम्पियन्स आमनेसामने येणार असून चुरशीचा सामना पाहायला मिळण्याची अपेक्षा आहे.
या स्पर्धेत पाकिस्तानला मोठा फायदा मिळाला. सेमीफायनलमध्ये भारतीय संघाने त्यांच्याविरुद्ध खेळण्यास नकार दिला. त्यामुळे पॉइंट्स टेबलमध्ये अव्वल असलेल्या पाकिस्तानला थेट फायनलमध्ये प्रवेश मिळाला. दुसरीकडे, साउथ आफ्रिकेने उपांत्य फेरीत ऑस्ट्रेलियाला केवळ 1 धावांनी हरवून अंतिम फेरीचे तिकीट कापले. त्यामुळे खिताबासाठी ही लढत अतिशय रोमहर्षक ठरणार आहे.
भारतामध्ये हा सामना स्टार स्पोर्ट्स नेटवर्कवर थेट पाहता येणार आहे. याशिवाय, FanCode अॅप आणि वेबसाइटवर त्याची स्ट्रीमिंगही उपलब्ध असेल. त्यामुळे भारतीय चाहत्यांना ही रंगतदार लढत घरबसल्या पाहण्याची संधी मिळणार आहे.
पाकिस्तानचा संभाव्य संघ – शोएब मलिक (कर्णधार), शरजील खान, कामरान अकमल, फवाद आलम, उमर अमीन, आसिफ अली, इमाद वसीम, आमिर यामीन, सोहेल खान, सोहेल तनवीर आणि सईद अजमल
साउथ आफ्रिके संभाव्य संघ- एबी डिविलियर्स (कर्णधार), जे जे स्मट्स, जैक्स रूडोल्फ, सारेल एर्वी, जीन-पॉल डुमिनी, हेनरी डेविड्स, मोर्ने वान विक, वेन पार्नेल, हार्डस विलोजेन, आरोन फांगिसो आणि डुआन ओलिवियर
