भारत आणि श्रीलंकेच्या (India and Shrilanka) संयुक्त यजमानपदाखाली होणाऱ्या टी-20 वर्ल्ड कप 2026 साठी वेस्ट इंडिजने आपला 15 सदस्यीय संघ जाहीर केला आहे. या मोठ्या स्पर्धेसाठी संघाचे नेतृत्व शाई होपच्या (Shai hope) हातामध्ये सोपवण्यात आले आहे. शिमरॉन हेटमायर निवडकर्त्यांचा विश्वास जिंकण्यात यशस्वी ठरला आहे, तर जेसन होल्डरलाही संघात स्थान देण्यात आले आहे. जॉन्सन चार्ल्स देखील आपल्या फलंदाजीने रंग भरताना दिसेल. याचसोबत ब्रँडन किंगलाही संघात सामील करण्यात आले आहे. कॅरेबियन संघ आपल्या मोहिमेची सुरुवात 7 फेब्रुवारीला स्कॉटलंडविरुद्ध करेल.
आयसीसी टी-20 वर्ल्ड कपमध्ये धमाका करण्यासाठी वेस्ट इंडिजने आपला संघ घोषित केला आहे. शमार जोसेफला 15 सदस्यीय संघात स्थान मिळाले आहे, तर रोव्हमन पॉवेल फलंदाजी आणि गोलंदाजी दोन्हीमध्ये कमाल करताना दिसेल. शेरफेन रदरफोर्ड या स्पर्धेत कॅरेबियन संघासाठी ‘ट्रंप कार्ड’ ठरू शकतो. रदरफोर्डचा सध्याचा फॉर्म जबरदस्त आहे. रोमारियो शेफर्ड देखील निवडकर्त्यांचा विश्वास जिंकण्यात यशस्वी ठरला असून रोस्टन चेसलाही संधी देण्यात आली आहे. फिरकी गोलंदाज गुडाकेश मोटी आपल्या फिरकीने कहर करताना दिसेल.
टी-20 वर्ल्ड कप 2026 मध्ये वेस्ट इंडिजला ग्रुप-सी मध्ये ठेवण्यात आले आहे. संघ आपल्या मोहिमेची सुरुवात 7 फेब्रुवारीला स्कॉटलंडविरुद्ध करेल. त्यानंतर दुसऱ्या सामन्यात 11 फेब्रुवारीला इंग्लंडशी भिडेल. ग्रुप स्टेजच्या तिसऱ्या सामन्यात वेस्ट इंडिजचा सामना नेपाळशी होईल, तर 19 फेब्रुवारीला कोलकाता येथील ईडन गार्डन्स मैदानावर वेस्ट इंडिज आणि इटली यांच्यात सामना रंगेल. विशेष म्हणजे वेस्ट इंडिज दोन वेळा चॅम्पियन राहिली आहे. गेल्या वेळी म्हणजे 2016 मध्ये जेव्हा भारताने टी-20 वर्ल्ड कपचे यजमानपद भूषवले होते, तेव्हा वेस्ट इंडिजने इंग्लंडला हरवून विजेतेपदावर कब्जा मिळवला होता.
टी-20 वर्ल्ड कप 2026 साठी वेस्ट इंडिजचा संघ: शाई होप (कर्णधार), शिमरॉन हेटमायर, जॉन्सन चार्ल्स, रोस्टन चेस, मॅथ्यू फोर्ड, जेसन होल्डर, अकील होसेन, शमार जोसेफ, ब्रँडन किंग, गुडाकेश मोटी, रोव्हमन पॉवेल, शेरफेन रदरफोर्ड, क्वेनटिन सॅम्पसन, जेडन सील्स, रोमारियो शेफर्ड.
