Gautam Gambhir- Pitch Curator Controversy: भारतीय संघाचे मुख्य प्रशिक्षक गौतम गंभीर आणि केनिंग्टन ओव्हलचे पिच क्यूरेटर ली फोर्टिस यांच्यात 29 जुलै रोजी मैदानात जोरदार बाचाबाची झाली होती. या घटनेमुळे वाद अधिकच वाढला आहे आणि या वादाबद्दल वेगवेगळ्या बाजूंनी बातम्या समोर येत आहेत. आता गौतम गंभीर-पिच क्यूरेटर वादाची इनसाइड रिपोर्ट समोर आली आहे. गंभीर आणि फोर्टिस यांच्या वादात केवळ ते दोघेच नव्हे, तर इतरही काही नावे सामील आहेत, ज्यामुळे सर्वजण आपापली बाजू मांडत आहेत. (Oval Test Pitch Controversy)
भारतीय संघाचे कोचिंग स्टाफ जेव्हा ली फोर्टिसशी खेळपट्टीबद्दल बोलण्यासाठी गेले, तेव्हा फोर्टिसने त्यांना टोमणा मारला. गंभीरने त्यावेळी काहीही उत्तर दिले नाही. त्यानंतर जेव्हा ते खेळपट्टी पाहण्यासाठी गेले, तेव्हा त्यांना 2.5 मीटर दूरून ती पाहण्यास सांगितले गेले. तरीही गौतम गंभीरने स्वतःला नियंत्रित केले, परंतु जेव्हा फोर्टिस एका कोचिंग स्टाफवर मैदानात आइसपॅक आणल्याबद्दल भडकले, तेव्हा मात्र गंभीरने पिच क्यूरेटरला चांगलेच सुनावले. (Gautam Gambhir Pitch Curator Controversy)
