India vs England 2nd Test Match: भारतीय संघ सध्या इंग्लंड दौऱ्यावर आहे. या दौऱ्यावर भारत-इंग्लंड संघात 5 सामन्यांची कसोटी मालिका खेळली जात आहे. त्यातील पहिला कसोटी सामना लीड्सच्या मैदानावर खेळला गेला, ज्यामध्ये भारतीय संघाला मोठ्या पराभवाला सामोरे जावे लागले. इंग्लंडने लीड्समध्ये खेळल्या गेलेल्या पहिल्या कसोटी सामन्यात भारताचा 5 विकेट्सने धुव्वा उडवला आणि मालिकेत 1-0 अशी आघाडी घेतली. आता दोन्ही संघातील दुसरा कसोटी सामना (2 जुलै ते 6 जुलै) दरम्यान बर्मिंगहॅममध्ये खेळला जाईल. (India vs England Birmingham Test)
भारतीय वेळेनुसार दुसरा कसोटी सामनाही दुपारी 3:30 वाजता सुरू होईल. या सामन्याचा टाॅस दुपारी 3 वाजता होईल. हा सामनाही तुम्ही सोनी स्पोर्ट्स नेटवर्कवर थेट लाईव्ह पाहू शकाल. यजमान इंग्लंडकडे सध्या 1-0 अशी आघाडी आहे. अशा स्थितीत आता भारतीय संघ कोणत्याही परिस्थितीत दुसरा कसोटी सामना जिंकून मालिकेत पुनरागमन करण्याचा प्रयत्न करेल. (Schedule India vs England 2nd Test Match)
लीड्समध्ये खेळल्या गेलेल्या पहिल्या कसोटी सामन्याबद्दल बोलायचे झाल्यास, फलंदाजांनी शानदार प्रदर्शन केले, परंतु भारताचे गोलंदाज अपेक्षेनुसार कामगिरी करू शकले नाहीत. जसप्रीत बुमराहने पहिल्या डावात 5 विकेट्स नक्कीच घेतल्या, पण दुसऱ्या डावात तोही फारसा कमाल करू शकला नाही. इंग्लंडने 371 धावांचे विशाल लक्ष्य फक्त 5 विकेट्स गमावून पूर्ण केले. (Lead Test Match Result)
भारतासाठी पहिल्या कसोटीत एकूण 5 शतके झळकावली गेली. यष्टीरक्षक फलंदाज रिषभ पंतने दोन्ही डावात शतक झळकावले. परदेशात दोन्ही डावात शतक ठोकणारा तो भारताचा पहिला यष्टीरक्षक फलंदाज बनला आहे. (Rishabh Pant Two Centuries) याव्यतिरिक्त, केएल राहुल आणि कर्णधार शुबमन गिल यांनीही प्रत्येकी 1-1 शतक झळकावले.
भारतीय संघाने या कसोटी सामन्यात प्रथम फलंदाजी करताना 471 धावा केल्या होत्या. भारतासाठी पहिल्या डावात यशस्वी जयस्वालने 101, शुबमन गिलने 147 आणि रिषभ पंतने 134 धावा केल्या. यानंतर इंग्लंडच्या संघाने आपल्या पहिल्या डावात 465 धावा केल्या. इंग्लंडसाठी ओली पोपने 106 आणि हॅरी ब्रूकने 99 धावा केल्या.
त्यानंतर दुसऱ्या डावात भारतीय संघाने 364 धावा केल्या आणि इंग्लंडला 371 धावांचे लक्ष्य दिले. या डावात भारतासाठी केएल राहुलने 137 आणि रिषभ पंतने 118 धावांची खेळी केली. म्हणजेच, पंतने दोन्ही डावात शतके झळकावली. आता इंग्लंडसमोर 371 धावांचे लक्ष्य होते, जे त्यांनी सहज गाठले. इंग्लंडसाठी बेन डकेटने 149, जॅक क्रॉलीने 65 आणि जो रूटने नाबाद 53 धावांची खेळी केली. यष्टीरक्षक फलंदाज जेमी स्मिथ 44 धावांवर नाबाद राहिला.
आता दुसऱ्या कसोटी सामन्यात भारतीय संघ दमदार पुनरागमन करण्यात यशस्वी होते की नाही? हे पाहणे देखील उत्सुकतेचे ठरणार आहे.
