India vs England Test Series: सध्या भारत आणि इंग्लंड संघात 5 सामन्यांची कसोटी मालिका खेळली जात आहे. दरम्यान दोन्ही संघातील ही मालिका अत्यंत रोमांचक वळणावर येऊन थांबली आहे. बर्मिंगहॅम कसोटीत भारतीय संघाने मोठ्या विश्लेषकांना चुकीचे ठरवत 336 धावांनी ऐतिहासिक विजय मिळवला आहे. (India’s first Test win Edgbaston) यापूर्वी लीड्स कसोटीत इंग्लंडला 5 विकेट्सने पराभव पत्करावा लागला होता, त्यामुळे पाच सामन्यांची मालिका सध्या 1-1 अशी बरोबरीत आहे. (India vs England Test series 2025)
त्याच वेळी भारताचा नवा कसोटी कर्णधार शुबमन गिल हा एजबॅस्टनमध्ये इंग्लंडला कसोटी सामन्यात हरवणारा पहिला भारतीय कर्णधार ठरला आहे, पण मालिकेबद्दल बोलायचे झाल्यास, भारतीय संघाला इंग्लंडच्या भूमीवर कसोटी मालिका जिंकून खूप काळ गेला आहे. (Shubman Gill captaincy record)
भारतीय संघाला इंग्लंडमध्ये कोणतीही कसोटी मालिका जिंकून खूप मोठा काळ झाला आहे. भारताने इंग्लंडच्या भूमीवर शेवटची कसोटी मालिका 18 वर्षांपूर्वी म्हणजेच 2007 मध्ये जिंकली होती. त्यावेळी दोन्ही देशांमध्ये 3 सामन्यांची मालिका खेळली गेली होती. लॉर्ड्समध्ये खेळला गेलेला पहिला कसोटी सामना अनिर्णित राहिला होता, तर दुसऱ्या सामन्यात भारताला 7 विकेट्सने विजय मिळाला होता. तिसरा कसोटी सामना अनिर्णित राहिल्याने भारतीय संघाने मालिका 1-0 ने जिंकली होती. त्या मालिकेत भारतीय संघाचे कर्णधारपद राहुल द्रविडकडे होते. (India Test series win in England history)
त्यानंतर भारतीय संघाने 4 वेळा इंग्लंडचा दौरा करत कसोटी मालिका खेळल्या आहेत, त्यापैकी 3 वेळा इंग्लंडने बाजी मारली आणि एकदा मालिका अनिर्णित राहिली होती, पण भारताला 2007 नंतर कधीही इंग्लंडच्या भूमीवर कसोटी मालिका जिंकता आली नाही. आता शुबमन गिलकडे संधी आहे की तो आपल्या नेतृत्वाखाली इंग्लंडमध्ये 18 वर्षांपासून सुरू असलेल्या कसोटी मालिका विजयाच्या दुष्काळ संपवेल. (India Test cricket history)
लीड्स कसोटीत इंग्लंडला 5 विकेट्सने विजय मिळाला होता, तर बर्मिंगहॅम कसोटीत भारतीय संघाने दमदार पुनरागमन करत 336 धावांनी दणदणीत विजय मिळवला. आता तिसरा सामना 10-14 जुलैपर्यंत लॉर्ड्समध्ये खेळला जाईल, चौथा सामना 23-27 जुलैपर्यंत मँचेस्टरमध्ये आणि फायनल सामना (31 जुलै ते 4 ऑगस्ट) पर्यंत द ओव्हल या मैदानावर खेळला जाईल. (England Test venues)
