चेन्नई सुपर किंग्स आयपीएल 2023 हंगामाचा विजेता ठरला. या विजयासह चेन्नईने पाचवे किताब आपल्या नावावर केले. चेन्नईच्या या यशात सिंहाचा वाटा उचलणाऱ्या खेळाडूंमध्ये वेगवान गोलंदाज तुषार देशपांडे याच्या नावाचाही समावेश आहे. तुषार सध्या वैयक्तिक आयुष्यामुळे चर्चेचा विषय ठरत आहे. त्याने त्याच्या शाळेपासूनची मैत्रीण असलेल्या नभा गड्डमवार हिच्याशी साखरपुडा केला. दोघांनीही साखरपुड्यानंतर अनेक फोटो सोशल मीडियावर शेअर केले होते. दोघांच्या साखरपुड्याचे फोटो सोशल मीडियावर चर्चेचा विषय ठरत होते. अशात चाहत्यांना हा प्रश्न पडला की, नक्की कोण आहे नभा गड्डमवार? याबाबत आपण सविस्तर जाणून घेऊयात…
कोण आहे नभा गड्डमवार?
खरं तर, तुषार देशपांडे (Tushar Deshpande) हा शाळेच्या वयापासूनच नभा गड्डमवार (Nabha Gaddamwar) हिला पसंत करायचा. विशेष म्हणजे, तुषारची होणारी पत्नी नभा ही एक शिक्षिका तसेच चित्रकारही आहे. तिला भारतीय कलेत (Indian Arts) रस आहे. माध्यमांतील वृत्तांनुसार, नभाचा जन्म महाराष्ट्राच्या ठाणे जिल्ह्यातील कल्याण येथे झाला होता. तिने मुंबईतून 12वे शिक्षण पूर्ण केले. तिने आर्ट्स एज्युकेशनमध्ये डिप्लोमाही केला आहे. यानंतर तिने अनेक शाळेत शिकवले आहे. नभाचे इंस्टाग्रामवर पेंटिंग पेजही आहे, ज्याचं नाव ‘पेंटेड पॅलेट’ (Painted Palette) असे आहे. त्यावर ती हाताने बनवलेल्या पेंटिंगंही ऑनलाईन विकते.
https://www.instagram.com/p/CtZn9ltvIPQ/
असा पार पडला साखरपुडा
तुषार आणि नभा यांनी त्यांचा साखरपुडा गुपचूप उरकल्याचे समोर आले. यावेळी तुषारचा सहकारी शिवम दुबे यानेही साखरपुड्यादरम्यानचे फोटो शेअर करत त्यांचे अभिनंदन केले होते. विशेष म्हणजे, तुषारने त्याच्या अधिकृत इंस्टाग्राम अकाऊंटवरून जे फोटो शेअर केले होते, त्यातील एका फोटोत क्रिकेटच्या चेंडूवर दोघांनी साखरपुड्याची अंगठी ठेवल्याचे दिसत आहे. चाहत्यांनीही या जोडप्यावर अभिनंदन आणि शुभेच्छांचा वर्षाव केला.
https://www.instagram.com/reel/Ctdc-MAuHwu/?utm_source=ig_embed&ig_rid=ad6c8ffa-3ab2-410d-b563-4ba54d88e27d
तुषारची आयपीएल 2023मधील कामगिरी
चेन्नई सुपर किंग्स (Chennai Super Kings) संघाने वेगवान गोलंदाज तुषार देशपांडे (Tushar Deshpane) याला आयपीएल 2023 (IPL 2023) हंगामाच्या लिलावात 20 लाख रुपयांमध्ये ताफ्यात सामील केले होते. या हंगामात त्याने चेन्नईसाठी 16 सामन्यात 9.92च्या इकॉनॉमी रेटने सर्वाधिक 21 विकेट्स घेतल्या होत्या. त्याने कठीण काळात संघासाठी महत्त्वाच्या विकेट्स घेत यश मिळवून दिले. अशाप्रकारे चेन्नईच्या किताबाच्या प्रवासात त्याने महत्त्वाची भूमिका बजावली होती. (who is nabha gaddamwar indian cricketer tushar deshpnde fiance know here)
महत्वाच्या बातम्या-
‘तुझ्यामुळे भारत विश्वचषक जिंकत नाहीये’, ट्रोलरने आकाश चोप्राला केले ट्रोल, म्हणाला, ‘मी घेतो जबाबदारी’
MPLच्या दुसऱ्या दिवशी रंगणार दोन सामन्यांचा थरार, वाचा कोण असणार आमने-सामने
