टी-20 वर्ल्ड कप 2026 मधील वाद संपण्याचे नाव घेत नाहीये. आधी बांगलादेशने आपले नाव मागे घेतले होते, आता पाकिस्तानचा ड्रामा सुरू झाला आहे. शेजारील देशाने भारताविरुद्ध सामना खेळण्यास नकार दिला आहे. भारत आणि पाकिस्तान यांच्यात 15 फेब्रुवारी रोजी हा सामना होणार होता. मात्र, पाकिस्तानचे क्रीडा पत्रकार मिर्झा इक्बाल बेग यांनी ‘न्यूज 24’ शी बोलताना एक मोठा खुलासा केला आहे.
त्यांनी सांगितले की, पाकिस्तान 15 फेब्रुवारीला भारताविरुद्ध खेळण्यासाठी मैदानात उतरेल. त्यांनी असा युक्तिवाद केला की, पाकिस्तान क्रिकेट बोर्डाने (PCB) भारताविरुद्ध सामना न खेळण्याबाबत अद्याप आयसीसीला (ICC) लेखी स्वरूपात काहीही दिलेले नाही. सध्या पाकिस्तान सरकारने आपल्या क्रिकेट संघाला भारताविरुद्ध न खेळण्याचे आदेश दिले आहेत. अनेक रिपोर्ट्समध्ये असा दावा केला जात आहे की पाकिस्तान आपल्या निर्णयावरून ‘यू-टर्न’ घेईल. असो, भारत आणि पाकिस्तान 15 फेब्रुवारीला आमनेसामने येणार की नाही, हे येणारा काळच ठरवेल.
