भारतीय महिला क्रिकेट संघाने काही दिवसांपूर्वीच ODI वर्ल्ड कप 2025 (ICC womens world cup 2025) चे विजेतेपद पटकावले आहे. या विजयासाठी संघाला सुमारे 40 कोटी रुपयांचे पारितोषिक मिळाले. त्याशिवाय BCCI ने संघाला 51 कोटी रुपयांचे विशेष बक्षीस दिले असून खेळाडूंना त्यांच्या राज्य सरकारांकडूनही वैयक्तिक सन्मान आणि भेटवस्तू मिळाल्या आहेत.
दरम्यान, भारतीय पुरुष संघाने ऑस्ट्रेलियाच्या मैदानावर टी20 मालिका 2-1 ने जिंकून इतिहास रचला आहे. अशा परिस्थितीत प्रश्न उपस्थित झाला की, या मालिका विजयानंतर टीम इंडियाला काही प्राईज मनी मिळाली का? जाणून घेऊया याबाबतचा ICC चा नियम काय सांगतो.
ऑस्ट्रेलियाविरुद्ध टी20 मालिका जिंकल्यानंतर भारतीय संघाला कोणतीही प्राईज मनी मिळालेली नाही. कारण, नियमांनुसार द्विपक्षीय (bilateral) मालिकांमध्ये विजय मिळवल्यावर प्राईज मनी देण्याचे कोणतेही बंधन नाही.
याचे कारण असे की, अशा मालिकांचे आयोजन ICC किंवा ACC सारख्या जागतिक संस्थांकडून होत नाही. उदाहरणार्थ, भारत विरुद्ध ऑस्ट्रेलिया ही मालिका BCCI (भारतीय क्रिकेट नियंत्रण मंडळ) आणि CA (क्रिकेट ऑस्ट्रेलिया) यांनी संयुक्तरित्या आयोजित केली होती.
जर मालिका ऑस्ट्रेलियात खेळली जात असेल, तर मेजबानीची जबाबदारी ऑस्ट्रेलिया क्रिकेट बोर्डावर असते. त्यामुळे ICC ने द्विपक्षीय मालिकांसाठी प्राईज मनीचा कोणताही नियम केलेला नाही.
साधारणपणे, कोणतीही द्विपक्षीय मालिका जिंकल्यानंतर विजेत्या संघाला ट्रॉफी दिली जाते.
तसेच, ‘प्लेअर ऑफ द सिरीज’ ठरलेल्या खेळाडूला ट्रॉफी दिली जाते. काही मालिकांमध्ये किंवा देशांतर्गत स्पर्धांमध्ये ‘प्लेअर ऑफ द सिरीज’ किंवा ‘प्लेअर ऑफ द मॅच’ या दोघांनाही थोडी इनामी रक्कम दिली जाते.
मात्र, जगभर खेळल्या जाणाऱ्या प्रत्येक मालिकेत असे होईलच असे नाही. त्यामुळे, द्विपक्षीय मालिकेत म्हणजेच (दोन देशांमध्ये खेळली जाणारी मालिका) विजय मिळवणाऱ्या संघाला प्राईज मनी देण्याचा कोणताही नियम नाही.
