वुमेन्स प्रीमियर लीगच्या पहिल्या हंगामात शनिवारी (11 मार्च) दिल्ली कॅपिटल्स विरुद्ध गुजरात जायंट्स हा सामना खेळला गेला. कमालीच्या एकतर्फी झालेल्या या सामन्यात दिल्लीने गुजरातला अक्षरशः नामोहरम केले. मारिझान कापने पाच बळी मिळवत गुजरातचा डाव केवळ 105 धावांवर संपवला होता. या धावांचा पाठलाग करताना शफाली वर्माने वादळी फलंदाजी करत हे लक्ष केवळ 7.1 षटकात पार करत संघाला तिसरा विजय मिळवून दिला.
The @DelhiCapitals are back to winning ways and how ????????
A comprehensive ????-wicket win for #DC over the Gujarat Giants ????????????????
Scorecard ???? https://t.co/ea9cEEkMGR#TATAWPL | #GGvDC pic.twitter.com/HGF6c8yQpW
— Women's Premier League (WPL) (@wplt20) March 11, 2023
डी.वाय. पाटील स्टेडियम येथे खेळल्या गेलेल्या या सामन्यात गुजरातची कर्णधार स्नेह राणाने नाणेफेक जिंकून प्रथम फलंदाजीचा निर्णय घेतला. तिचा हा निर्णय दिल्लीची अष्टपैलू मारिझान कापने चुकीचा ठरवला. तिने पहिल्याच षटकात मेघना हिला तंबूचा रस्ता दाखवला. त्यानंतर आपल्या दुसऱ्या षटकात आल्यानंतर तिने लॉरा वॉल्वर्ट वऍश्ले गार्डनर यांना लागोपाठच्या चेंडूवर बाद केले. त्यानंतरही हेमलता व हरलीन देओल यांना बाद करत गुजरातची अवस्था 6 बाद 33 अशी केली. वेरहॅमने 22 व किम गार्थने 32 हवा करतो दिल्लीला 105 पर्यंत पोहोचवले.
या धावांचा पाठलाग करताना दिल्लीसाठी कर्णधार मेग लॅनिंग व शफाली वर्मा यांनी मैदानावर पाऊल ठेवले. पहिल्या षटकापासून शफाली अक्षरशा गुजरातच्या गोलंदाजांवर तुटून पडली. ऑरेंज कॅप डोक्यावर असलेल्या लॅनिंगला तिने झाकोळून टाकले. अवघ्या 19 चेंडूंवर तीने आपले स्पर्धेतील दुसरे अर्धशतक पूर्ण केले. दिल्लीने पावर प्लेच्या सहा षटकांमध्ये 89 धावा करत संघाचा विजय सोपा केला. त्यानंतर अवघ्या 7.1 षटकात त्यांनी विजयी लक्ष गाठले. शफाली 28 चेंडूवर 76 तर मेग 21 धावा काढून नाबाद राहिली. यासह दिल्लीने गुणतालिकेतील आपले दुसरे स्थान मजबूत केले.
(WPL 2023 Delhi Capitals Beat Gujarat Giants By 10 Wickets Kapp Shafali Verma Shines)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
“कसोटी क्रिकेट वाचवायच्या फक्त गप्पा मारू नका”, आयसीसीवर संतापला मॅथ्यूज, वाचा संपूर्ण प्रकरण
बापाचा खेळ पाहून हरखल्या पोरी! उस्मान ख्वाजाच्या चिमुरड्यांचा ‘क्युट’ फोटो व्हायरल
