आयपीएल २०२०च्या रॉयल चॅलेंजर्स बेंगलोर संघाचा फिरकीपटू युझवेंद्र चहल त्याच्या क्रिकेटमधील कामगिरीमुळे आणि ट्विटमुळे सतत चर्चेत असतो. चहलप्रमाणे त्याची होणारी पत्नी धनश्री वर्माही सतत चर्चेत असते. संयुक्त अरब अमिरातीत झालेल्या आरसीबीच्या बऱ्याच सामन्यांदरम्यान ती स्टेडियममध्ये चहलला सपोर्ट करताना दिसून आली. तर आपल्या भन्नाट डान्समुळे ती चर्चेचा विषय बनत असते. आता धनश्री आरसीबीचा हुकमी एक्का एबी डिविलियर्समुळे चर्चेत आली आहे.
धनश्रीने डिविलियर्सचे मानले आभार
नुकतीच धनश्रीने तिच्या अधिकृत इंस्टाग्राम अकाउंटवर डिविलियर्स संदर्भात एक पोस्ट टाकली आहे. त्यामध्ये तिने डिविलियर्ससोबतचा आपला एक फोटो शेअर केला आहे आणि त्याला कॅप्शन देत मनातील भावना व्यक्त केल्या आहेत.
तिने लिहिले की, “मी डिविलियर्ससोबतचा हा फोटो फ्रेम करुन घेणार आहे आणि तो आयुष्यभर सांभाळून ठेवेन. युएईच्या या पूर्ण प्रवासात माझ्यासोबत चांगले वागल्यामुळे तुमचे खूप आभार. तुमच्यासारख्या दिग्गजाच्या सानिध्यात राहण्याचा योग जुळून आल्यामुळे मी खूप धन्य झाले आहे. तुमच्यासोबतची पहिली भेट मला अजूनही आठवण आहे. तसेच तुमच्यासोबत रात्री बसून मारलेल्या गप्पा, तुमच्याकडून मला शिकायला मिळालेल्या गोष्टी मी विसरु शकणार नाही.”
“चहल मला तुझ्या यशाचाही सार्थ अभिमान आणि गर्व आहे. तुला अशा दिग्गजांचा सहवास लाभल्याचाही मला खूप आनंद आहे. सोबतच तू मला दिलेल्या सर्व संधींसाठीही तुझे आभार. आरसीबीसोबतचा माझा हा प्रवास मला आयुष्यभर स्मरणात राहील,” असे तिने पुढे लिहिले.
https://www.instagram.com/p/CHSMC40lVOb/?utm_source=ig_web_button_share_sheet
आरसीबीचा आयपीएल २०२०मधील प्रवास
आरसीबीने हंगामातील पहिल्याच सामन्यात सनरायझर्स हैदराबादला मात देत दणक्यात हंगामाची सुरुवात केली होती. पण पुढे साखळी फेरीच्या अंतिम टप्प्यात त्यांची गाडी डगमगडली. तरीही गुणतक्यात चौथे स्थान पटकावत त्यांनी प्लेऑफमध्ये धडक मारली. मात्र एलिमिनिटेर सामन्यात हैदराबादने पहिल्या पराभवाचा वचपा काढला आणि स्वत:ला प्लेऑफच्या शर्यतीत टिकवून ठेवले. परंतु यामुळे आरसीबीचे आव्हान संपुष्टात आले आहे. अशाप्रकारे १३व्या हंगामातही आयपीएल ट्रॉफी जिंकण्याचे त्यांचे स्वप्न पुन्हा एकदा अधुरे राहिले आहे.
महत्त्वाच्या बातम्या-
Qualifier 2 : हैदराबाद-दिल्ली येणार आमनेसामने, ‘हा’ महत्वाचा खेळाडू सामन्याला मुकणार?
…आणि मनीष पांडेने केली विराट कोहलीची बोलती बंद, पाहा व्हिडिओ
बापरे! धोनीची एक धाव सीएसकेला पडली ७.५ लाखांना, तर १ कोटी ४१ लाखांना ‘या’ गोलंदाजाची विकेट
ट्रेंडिंग लेख-
‘या’ पाच खेळाडूंची आरसीबीतून होऊ शकते हकालपट्टी, एक नाव आहे धक्कादायक
मुंबई इंडियन्सचे ४ दमदार खेळाडू; ज्यांना कधीही करू नये रिलीझ
आयपीएलमधील ‘हे’ ४ संघ होणार मालामाल, पाहा विजेत्या- उपविजेत्या टीमच्या बक्षीसांच्या रकमा