भारतीय गोलंदाज युजवेंद्र चहल गेल्या काही दिवसांपासून चर्चेत आहे. चहल आधी त्याच्या वैयक्तिक आयुष्याबद्दल सुरू असलेल्या अफवांमुळे आणि आता विराट कोहलीच्या फॉर्मबद्दल केलेल्या वक्तव्यामुळे चर्चेत आला आहे. चहल आणि कोहली यांनी अनेक सामने एकत्र खेळले आहेत. त्याने रॉयल चॅलेंजर्स बंगळुरूमध्ये कोहलीसोबत ८ वर्षे घालवली आहेत. मात्र, यंदा राजस्थान रॉयल्सने त्याला विकत घेतले. कोहली सध्या वाईट टप्प्यातून जात आहे.
कोहलीचे योगदान पाहत नाहीत
जवळपास ३ वर्षांपासून कोहलीच्या बॅटने आंतरराष्ट्रीय क्रिकेटमध्ये एकही शतक झळकावलेले नाही, मात्र भारतीय लेगस्पिनरचे मत आहे की, “ही केवळ शतकाची बाब नाही आणि या काळात कोहलीने खूप महत्त्वाचे योगदान दिले आहे.” चहल म्हणाला की, “अशी व्यक्ती, ज्याची टी-२० मधील सरासरी ५० पेक्षा जास्त आहे, तो २ विश्वचषकात टूर्नामेंटचा सर्वोत्तम खेळाडू होता. सर्व फॉरमॅटमध्ये ७० शतके. तुम्ही फक्त त्यांची सरासरी सर्व फॉरमॅटमध्ये पहा. समस्या अशी आहे की आपण फक्त त्याच्या शतकाचा विचार करतो. आपण त्याच्या ६०-७० धावांच्या महत्त्वपूर्ण योगदानाबद्दल बोलत नाही.”
गोलंदाज कोहलीला कंटाळतात
स्पोर्ट्स यारीशी बोलताना चहल म्हणाला की, “जर तो क्रीजवर असेल आणि त्याने १५ ते २० धावा केल्या असतील, तर मी म्हणतो की कोणत्याही गोलंदाजाला त्याच्याविरुद्ध गोलंदाजी करायला आवडणार नाही. चहलने कोहली आणि रोहित शर्माच्या नेतृत्वाखालील त्याच्या खेळाबद्दल सांगितले. वेगवेगळ्या कर्णधारपदात आपली भूमिका सारखीच राहिली, ते नेहमीच माझा विकेट घेणारा गोलंदाज म्हणून वापर करतात.”
ट्रोलर्सनी त्यांच्या आयुष्यात काहीच केले नाही
अलीकडेच चहलच्या वैयक्तिक आयुष्याबाबत सोशल मीडियावर बराच गदारोळ झाला होता. चहल आणि त्याची पत्नी धनश्री यांच्या घटस्फोटाची बातमी सोशल मीडियावर गाजली. ज्याला भारतीय गोलंदाजाने खोटे म्हटले आहे. सोशल मीडियाबाबत चहल म्हणाला की, सोशल मीडियावर बरेच काही चालते. दुर्लक्ष करा. ते लोक ५ फॉलोअर्ससह कमेंट करतात. त्यांनी फक्त ट्रोल करण्यासाठी खाती तयार केली आहेत. त्याने आयुष्यात काहीही केले नाही. त्यामुळे या गोष्टींकडे दुर्लक्ष करावे लागते.
महास्पोर्ट्सच्या व्हॉट्सअप ग्रुप जॉईन करण्यासाठी या लिंकवर क्लिक करा
हेही वाचा-
दु:खद! भारतीय फुटबॉलला ‘सुवर्ण युग’ दाखवणारा दिग्गज हरपला, ‘बद्रू दा’ यांचे निधन
शार्दुलपुढे झिम्बाब्वेच्या फलंदाजांची दाणादाण, ३९ षटकातच यजमान सर्वबाद; भारतापुढे सोपे आव्हान
